আর্ম ফোর্সেস ফ্লেগ দে-২০২৫ গা মরী লৈননা থবক্তগী পোত্থাখ্রবা আর্মীগী ওফিসারশিংনা ঙরাং মনিপুরগী গভর্নর অজয় কুমার ভাল্লাগা রাজ ভবনগী কমপ্লেক্স হোলদা উনখ্রে। লেফটিনেন্ট জেনরেল (রিটায়র্দ) কে হীমালয়না গভর্নরদা আর্ম ফোর্স ফ্লেগ থেত্তুনা ঈকায়খুম্নবা অমসুং নুঙাইবা ফোঙদোকখি।
থৌরম অদূগী মতাঙদা ইন্টরেক্সন অমসু পাঙথোকখি।লৈবাক অসীগী সেক্যুরিটি ,সোভরেন্টি অমসুং ইন্টিগ্ৰিটি ঙাক্তুনা থম্ননবা হোৎনবদা থৌনা ফনা থৱায় কৎখ্রবা আর্ম ফোর্স পার্সনেলশিংদসু গভর্নর অমদি থবক্তগী পোত্থাখ্রবা আর্মীগী ওফিসারশিংনা লৈ কত্তুনা ঈকায়খুম্নবা ঊৎখি।
এক্স-সার্বিসমেনশিং অমসুং মখোয়গী মরী-মতাশিংদা চাউনা খুদোংচাবা ফংহল্লিবা,রাজ্য সাইনিক বোর্দকি মখাদা লৈঙাক্না লৌখৎলিবা ৱেলফ্যের এক্টিভিটিশিং অমদি অতৈ থবক -থৌরমশিংগী মতাঙদা গভর্নরনা রিটায়র্দ আর্মী ওফিসারশিং অদুদা ব্রিফিং অমসু পীখি।