থা অমা চূপ্না সেন্দ্রাগী অনৌবা মঙাল ফাউন্দেসন্না শীন্দূনা চত্থরকখিবা প্লাষ্টিককি অমোৎ -অকাই খোমজীন্দুনা মফম চাবদা পৈশিন্দুনা মাঙহনবগী কেম্পেইন অমা হৌখিবা ওক্টোবর ৩১ দা মপূঙফানা লোইশিনখ্রে।
কেম্পেইন অদূ মনিপুর লৈঙাক্কি দিরেক্তরেট ওফ এনভাইরনমেন্ট এন্দ ক্লাইমেট চেঞ্জনা স্পোন্সর তৌবনি হায়রি।সেন্দ্রা অমসুং মসীগী অকোয়বদা লৈরিবা মফমশিংদা লৈবা প্লাষ্টিক্কি পোৎলমশিং খোমগত্তুনা মফম চাবদা লোইশিনখিবগা লোয়ননা লম -তু শেংদোকপগী থবকশিংসু চত্থখি।
লমদম অদোমগী লোকেল ক্লবশিং,মৈরা পায়বী লূপ,ৱিমেন সেল্ফ হেল্প গ্ৰূপ কয়ানা পূন্না খূৎশম্নদুনা প্লাষ্টিক ৱেষ্ট কয়ামরুম খোমগৎখিবগা লোয়ননা লম্বীগী মতাইশিংদা মফম চাবা য়েংলগা প্লাষ্টিক বোট্টল বেঙ্কশিং ইন্সটোল তৌননবা থৌরাংসু লৌখৎখি।
লম কোয়বা লাকপশিংগী য়েংলগা কারাং আইলেন্দ,সেন্দ্রাগী লম্বী নাকন,লোক্তাক্কি নোংপোকথংবা শরুক,ইথিং ভিল্লেজ,ইথিং হৈকোল,ইথিং তাকমূ,ইথিং খোলানচিংবদা মফম চাবা য়েংলগা প্লাষ্টিক বোট্টল বেঙ্কশিং থম্ননবা থৌরাং পায়খৎখি।লৈঙাক্কি মায়কৈদগীসু হীরম অসীদা মীৎয়েং চঙবীদুনা মতেঙ পাংবীনবা ওরগনাইজেসনশিং অদূনা তকশীনখি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে