মনিপুরি ক্লাসিকেল দান্সকি হীরমদা শক্নায়রবী, ইম্ফাল নোংচুপ পানাগী কৈশাম্পাৎ লৈমজম লৈকায়দা লৈবী ঈমা থীয়াম সুর্জমুখিদা পদ্মশ্রি এৱার্দ পীরগনি হায়না লাউথোকখ্রে। কুমশিং ১৯৪০ গী মতমদগী য়াম্না নৌনা জগোয়গী লমদা খোঙদারকখিবগা লোয়ননা কুইরবা মতমসিদা মহাক্না জগোইগী লম অসিদা খোঙদারক্তুনা মনিপুরি ক্লাসিকেল দান্সকি মরমদা কত্থোক্তুনা লাকখ্রবনি।
মশাগী চহী ৮৯ শুরবী অহল ওইরবী আর্টিষ্ট অসি ঙল্লিঙৈ মতমদা গুরু য়াম্বেম মহাবির অমসুং পদ্মশ্রি মাইস্নাম অমুবিগী মখাদা ক্লাসিকেল দান্স তমদুনা মিয়াম্না শকখঙনরবী দান্সর অমা ওইদুনা লাকখ্রবনি হায়রি। মহাক্না কুমশিং ১৯৫২ মতমদগী হৌনা ইন্দিয়াগী তোঙান তোঙানবা ষ্টেটশিংদা চত্তুনা ক্লাসিকেল দান্স ঊত্তুনা লাক্লবনি।
মালেমগী লৈবাক কয়াদসু মহাক্না ক্লাসিকেল দান্সকি ফজরবা পারফোর্মেন্স ঊত্তুনা লাক্লবনি। রাস লিলা, ট্রাইবেল ফোল্ক দান্স অমসুং লাই হরাওবগী জগোয় খূৎথেকশিং তমদুনা মনিপুরবু আর্ট, কলচরগী লমদা মালেম শীন্থুংনা মশক তাকখিবী অসীগী মতীক মগুনশিং অদূবু শকখঙবা ওইনা লেমজনিঙায় ওইরবা এৱার্দ অসি পীননবা খনগৎলকখিবনি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে