হন্দক সুপ্রিম কোর্টনা মনিপুরদা দেলিমিটেসনগী থবক থৌরমশিং থা অহুমগী মনূঙদা লোইশিনগদবনি হায়না ফোঙদোরকখিবদু ষ্টেট অসীদা লৈরিবা মীতোপ-মীয়ানচাশিং হান্না মপূঙফানা খন্দোক্লবা মতূঙদা পাঙথোক্কদবনি, মদূ নত্রবদি করিমত্তা ৱাহন্থোক লৈতে হায়না কোর্দিনেটিং কম্মিটি ওন মনিপুর ইন্টিগরিটি (কোকোমি) গী কনভেনর খূরায়জম অথৌবনা ফোঙদোকখ্রে।
ঙরাং ইম্ফালগী লম্ফেলদা লৈবা কোকোমিগী হেদ ওফিস্টা পাঙথোকখিবা পাউমীশিংগা উনখিবা থৌরম অমদা মহাক্না ৱাফম অসী ফোঙদোকখিবনি। মনিপুরদা হৌজিক থোক্লিবা চহী অনীরোম ফাজীল্লক্লবা হীঙশাগী ঈরাং অসী মনিপুর মচেৎ তানা থুগাইবা পাম্বা, মপান্দগী আইন কায়না চঙশীল্লকপা চিন-কুকি নার্কো টেরোরিষ্টশিংদা ইন্দিয়া লৈঙাক্না ঈন্সীন্দুনা লমদম অসীগী য়েলহৌমীশিং তুম্না মাঙহন্ননবা চত্থরকপা প্রোক্সি ৱার অমখক্নি হায়বসি নোংমা নোংমগী ময়েক শেংবা হেঙ্গৎলক্লি হায়না অথৌবনা ফোঙদোকখি।
মায়োক্নরিবা হীঙশাগী ঈরাং অসী মনিপুরদা লৈরিবা মৈতৈ অমসুং কুকি ফূরূপ অনীগী মরক্তা থোকপা কনফ্লিক্ট অমা ওইনা ইন্দিয়ানা ঙসীফাওবা শন্দোক্তুনা লাক্লিবসি মখোয়গী অরোনবা প্রোক্সি ৱার অদুগী খূজীন-থৌরাংদু মীয়ামগী পূক্নীঙ- ৱাখলদগী থৈদোকহন্ননবা থওইনা চত্থরকপনি হায়না অথৌবনা ফোঙদোকখি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না