মনিপুরগী হান্নগী চিফ মিনিষ্টর নোংথোম্বম বিরেন না ঙরাং অয়ূক পূং ১১ রোম তাবদা রাজ ভবন্দা উনদুনা সস্পেন্সন ওফ ওপরেসন্স (সূ) দা লৈরিবা কেদরশিংগী খূৎলায় পূম্নমক দেজিগনেটেদ কেম্পশিংদা লোক তৌদূনা থমজিল্লবা মতূঙদা পাক-সন্না কোম্বিং ওপরেসন চত্থনবা তকশীনখ্রে।
মহাক্না গভর্নরগা উনরুবগী মতাঙদা ঙরাং লূৱাংশংবমদা লৈরিবা ময়ূমদা পাউমীশিংগা উনদুনা পাউদমখি। থৌরমদুদা বিরেন্না হায়, কুমশিং ২০২৩ দগী হৌরকখিবা মনিপুরগী হীংশাগী ইরাঙ অসী মতমচানা লাকশীলহৌদবনা হেন্না পাকথোক-চাউথোরক্তুনা মখাতানা শাংথরকখিবনি হায়বসি অচূম্বনি। হৌজিক চীংগী দিষ্ট্রিক্টশিংদসু ইরাঙ অসী মথঙ মথঙ শন্দোরক্লি। খৎনরিবা, য়ানদবা খূদীংমক দাইলোগ তৌনদুনা ৱারোয়শিন পুরক্নবা হোৎনগদবনি। মৈ চাক্লবা মতূঙদা ফয়ার ব্রিগেদনা চঙশীন্দুনা মৈ কনবগী মহূত্তা মৈ চাক্লক্তনবা হোৎনহৌবনা হেন্না ফৈ হায়বা ৱাফমশিং মহাক্না ফোঙদোকখি।
গভর্নরগা উনখিবা অদুদা, হৌজিক মনিপুরদা নাগা অমসুং কুকি কাঙলূপ অনীগী মরক্তা থোক্লিবা হীঙশাগী ঈরাঙ অসী নমথনবা মফম মতম চানা, ঈরাঙ থোক্লকপা য়াবা মফমশিংদা মতীক চানা সেক্যুরিটি ফোর্স থমদুনা থবক লৌখৎপা মথৌ তাই, কোম্বিং ওপরেসন চত্থগদবনি হায়না তকশীল্লমখি হায়রি। ঈরাং অসী লোইশিনহল্লগে হায়রবদি সূ দা লৈরিবা কেদরশিং অসীদগী খূৎলায়শিং খোমগৎপগা লোয়ননা অতৈ, সূ এগ্ৰিমেন্ট দা য়াওদবা গ্ৰূপশিংনা আইনগী ৱাংমদা পায়রিবা খূৎলায়শিং ফাগৎপা নত্তনা অতৈ পাম্বৈ লৈরোই হায়না তকশীল্লমখি হায়খি।
You may also like
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে
-
মনিপুরগী মিরাবাই চনূ, রোশিবিনা অনীমক্না এসিয়ান গেম্স তা সিলভর লৌবা ঙমখ্রে
-
লাক্কদৌরিবা মীখলগীদমক কনাগুম্বা লূপ অমত্তগী দিক্টেসন্দা থবক তৌরোই: কম্মিটি
-
আই দি পিশিং য়ূমদা হঞ্জিন্দ্রিফাওবা সঙাই ফেষ্টিভেল পাঙথোকপা য়াখিরোই: আই দি পি