মনিপুরগী মীয়াম্না ঐখোয় ঈশা-ঈশাগী শোয়ফদ্রবা ইথৌদাংনি খন্দুনা মপাঙ্গল কল্লবা, হেন্না চাওখৎলবা ইন্দিয়া অমা শেমগৎনবা পূন্না হোৎনমিন্নরসি হায়না চিফ মিনিষ্টর য়ূম্নাম খেমচান্দ সিংহনা ফোঙদোকখ্রে। ঙরাং জুলাই ২৬ তা, লৈবাক্কি অতৈ মফমশিংদা পাক-সন্না পাঙথোক্নখিবা কার্গিল বিজয় দিবস পালন-২০২৬, মনিপুরদসু ষ্টেট লৈঙাক্না শীন্দুনা মনিপুর ষ্টেট ফীল্ম দেভেলপমেন্ট সোসাইটি এম এস এফ দি এস কি ওদিটোরিয়ামদা পাঙথোকখি। থৌরম অদুদা চিফ মিনিষ্টরনা ৱাফম অসী ফোঙদোকখিবনি।
মহাক্না হায়, ইন্দিয়ান আর্ম ফোর্সেসকি মরৈবাক নীংবা, হনবা নাইদবা মথৌনা -মরীংজেল অদূনা কার্গিল লান অদুদা লৈবাক অসীনা য়েক্নবশিংবু মায়থীবা পীদুনা লানঙম ফীরাল থেৎখিবনি। কুমশিং ১৯৯৯ গী মে থাদগী জুলাই থা ফাওবা শোক্নখিবা কার্গিলগী অকনবা লানফম অদু লৈবাক অসীগী য়ুনিটি, ইন্টিগ্রিটি অমসুং সোভরেন্টিদা য়াম্না চাউনা শীঙনরকখিবা অমনি। মতমদুদা ইন্দিয়ান আর্ম ফোর্সেস না নুমিৎ ৭৮ চূপ্না ওপরেসন বিজয় চত্থদুনা পাকিষ্টানগী থৌরাং থৌশিল পূম্নমক মায় পাকহনখিদে। মনিপুরদগী থৌনা ফরবা লান্মী ৫ য়াওনা লৈবাক অসীগী লান্মী ৫২৭ না মরৈবাক্কিদমক থৱায় থাখি হায়না চিফ মিনিষ্টরনা ফোঙদোকখি।
লুরবা লানফম কয়াদা লৈবাক অসীগী আর্ম ফোর্সেস না লৌখিবা থৌনা ফরবা থৌদাং কয়াদু নুমিৎ থানা লৈরিবমখৈ ঐখোয়গী মীয়াম্না কাউবা লৈররোই হায়না গভর্নর অজয় কুমার ভাল্লানা ফোঙদোকখি।
You may also like
-
ককচীং লন্দোংদা লৈবা সোসাইটিগী গোদাউন মীওই খরনা কনাগুম্বা অমদা লোন্না য়োন্থোক্লম্লে
-
নোং কন্না তাবদগী লৌফম কয়া ঈশীং থুমজিনখ্রে, লম্বীশিং তুরেলগা পাঙ্খক ওইরে
-
মনিপুরগী ঈরাং অসীনা চাওখৎ-থৌরাংগী থবকশিং থীন্থহল্লে: দিরেক্টর
-
লমশাং কেন্দ্র অসী চাওখৎপগী খোঙজেলদা য়াঙনা চঙশীল্লক্লি: চিফ মিনিষ্টর
-
সেন্টরনা হায়র ইদুকেসন দিপার্টমেন্টগী সেক্রেটরি ভিনিট জোসি থাংদোকখ্রে