মনিপুর ষ্টেট ফোর্সশিং, মরুওইনা মনিপুর পুলিশ, মনিপুর রাইফলস, ইন্দিয়া রিজার্ভ বট্টালিয়নগী মেম্বরশিংনা পূন্সীন্দুনা শেমখিবা ষ্টেট ফোর্স ক্লব খাঙবোক্না শীন্দুনা নোংমগী ওইবা ক্লিনলিনেস দ্রাইব অমা খাঙবোক্কি কম্মর্সিয়েল হব অমা ওইরিবা খাঙবোক লম্লোঙ কৈথেল অমসুং মসীগী অকোয়বা মফমশিংদা পাঙথোকখ্রে।
ষ্টেট ফোর্স ক্লবকি মেম্বরশিংনা মীয়ামদা লূ- নান্না লৈননবা, অফবা খুন্নাই অমা থম্ননবা, অনা-অয়েক য়াওদবা, তীঞ্জঙ-কায়জঙদবা মীরোল অমা শেমগৎনবা পাউজেল পুদুনা লম-তু শীৎ-শেংবগী থবক অদূ পায়খৎখিবনি।
ক্লব অদূগী প্রসিদেন্ট ওইনা লৈরিবা মোইরাংথেম কুঞ্জেশ্বরনা ফোঙদোরকখিবা মতূঙ ইন্না, মীয়াম তিনবা কৈথেলশিংদগী থাদোরকপা অমোৎ- অকায়শিং মতম চানা অমসুং মফম চানা লোইশিন-খোমজীন্দুনা, লূ-নান্না থম্বগী তঙায়ফদবশিং মীয়ামগী পূক্নিং ৱাখলদা লৈহন্দুনা অকোয়বগী ফীভমশিং তরু-তনান্না লৈহন্ননবা পান্দমদা ক্লব অদূনা অসীগুম্বা ক্লিনলিনেস দ্রাইব অসি চাং নাইনা পাঙথোক্তুনা লাক্লিবনি। লম্বীগী তোঙান-তোঙানবা মফমশিংদা লৈবা পোটহোলশিংসু নূঙ হাপচিন্দুনা শেমজীনখি হায়না ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে