মনিপুরদা থোক্লিবা হীংশাগী ঈরাং অসীগী মতাংদা ষ্টেট এসেমব্লিগী স্পিকর টি ঐচ সত্যব্রত্তনা য়ুনিয়ন হোম মিনিষ্টর অমিট সাহা উনদুনা অথূবা মতমদা লোয়শিনহন্ননবা ৱাফম কয়া খন্নখ্রে। ঙরাং নুংথিল পূং অমরোম তাবদা হোম মিনিষ্টর অমিট সাহা উনদুনা অথূবা মতমদা মনিপুরদা থোক্লিবা হীংশাগী ঈরাং অসী লোইশিন্ননবা খন্নখিবনি।
ঈরাং অসী লোইশিন্ননবা কনক্রিট ওইবা থবক পায়খৎলু হায়বা ৱাফম সত্যব্রত্তনা পুখৎখিবগা লোয়ননা মনিপুরগী মীয়াম্না বি জে পিদা থম্লম্বা থাজবশিং নোংমা নোংমগী মাঙশীল্লক্লে হায়বা ৱাফম স্পিকর সত্যব্রত্তনা থমখি। মনিপুরদা হৌজিক লুচিংবা লৈতবগা পাঙ্খক ওইরি। ঈরাং অসী মতম শাংজিল্লকপনা মীয়াম অশুক্কি মতিক অৱাবা মায়োক্নরে। শেল থুমগী ফিভম খুদোংচাদবা মায়োক্নরে হায়খি। হৌজিক নেস্নেল হায়ৱে থিংজিনখিবদগী মীয়াম খুদোংচাদবা কয়ামরুম থেংনরি। মনিপুরদা হৌজিক সেকেন্ড অমগী মনূংদা করি থোক্লক্কদবগে হায়বা তম্বা ঙমদবা থাক অমদা লৈরি। অথূবা মতমদা তঙদূ লৈতাবা ঈঙ -চীকপা ফিভমদা হঞ্জিল্লকননবা থবক পিয়খৎপিয়ু হায়না স্পিকরনা য়ুনিয়ন হোম মিনিষ্টরদা তকশীনখি।
মনিপুরদা থোক্লিবা হীংশাগী ঈরাং অসী সেন্টরনসু নীংথীনা খঙই, অথবদা সোল্যুসন পুরকনবা থৌরাং তৌরি হায়না অমিট সাহানা ফোঙদোরকখি হায়রি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর