মনিপুর লেজিসলেটিভ এসেমব্লিগী স্পিকর টি ঐচ সৈত্যবর্তানা লুচিংবা এম এল এ শিংগী টিম অমনা ঙরাং অয়ুক পূঙ ৭ তাবদা লৈখাগী লম্বীদা ইম্ফালদগী খোঙশান্দুনা ঊখ্রূলগী সিরুইদা পাঙথোক্লিবা সিরুই লিলি ফেষ্টিবেলদা হরাও তরাম্না শরুক য়ারুরগা হল্লকখ্রে। ইন্দিয়ান আর্মীগী ৪৪ শুবা ব্রিগেদকি কাঙবূনা অকনবা সেক্যুরিটিগী চেকশীন থৌরাং লৌখত্তুনা লম্বীদা ঙাক-শেনখিবা অদুদা মনিপুর পুলিস, আই আর বি অমদি অতৈ সেক্যুরিটি ফোর্স কয়ানা মতেং পাংখি।
স্পিকরগী টিম অদুনা য়াইঙংপোকপী য়ৌখিবদা মফম অদুগী নাগা কাঙলূপকি পাখঙ-লৈশাবীশিং, অহল-লম্মন কয়া থোক্লক্তুনা হরাও তরাম্না ওকখি। মহাদেব য়ৌরকপদসু মীয়াম্না তরাম্না ওকখি। হুন্দুং য়ৌরকপদসু মশীঙ য়াম্লবা নাগা ঈচীল- ঈনাওশিং থোক্লক্তুনা টিম অদুবু তরাম্না ওকখিবগা লোয়ননা অথূম- অহাওশিং চাম্মিন- থকমিন্নখি।
স্পিকরনা অথোয়বা মীথূঙ ওইদুনা ঙরাংগী সিরুই ফেষ্টিবেলগী থৌরম অদূ য়াম্না চীঙ-লেম্না পাঙথোকখি। স্পিকরগী টিম অদুনা ফেষ্টিবেল অদুগী ওরগনাইজিং কম্মিটিদা লূপা লাখ মঙাসু তেঙবাং ওইনা কৎলমখি। হৈরোক,উরিপোক, থাঙ্গ, কৈরাউ, খেত্রিগাউনচিংবা কেন্দ্র শিংগী এম এল এ শিং খোঙচৎ অদুদা শরুক য়াখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা