সাউথ কোরিয়ানা সিওলদা লৈরিবা রসিয়ান এম্বাসেদরবু কৌখত্তুনা প্যোংয়াংনা রসিয়াদা লান্মী থারক্তুনা লান পাংননবা হোৎনবগী মতাংদা তকখৎখ্রে। হন্দক নোরথ কোরিয়ানা লৈবাক অদূগী স্পেসিয়েল আর্ম ফোর্স ১,৫০০ রোম রসিয়াদা থাদুনা, হৌজিক য়ুক্রেন অমসুং রসিয়াগী মরক্তা থোক্লিবা লান অসিদা ফ্রন্ট লাইনশিংদা লৈরগা য়ুক্রেন্দা রসিয়ানা লান্দাবদা মতেং পাংননবা থৌরাং তৌরি হায়না ইন্টলিজেন্স এজেন্সিশিংনা ফোঙদোরকপা লৈখ্রবনি।
মদূগী মথক্তা অহেনবা নোরথ কোরিয়াগী ফোর্স কয়াসু নৌনা রসিয়াদা চঙশীন্ননবা থৌরাং তৌদুনা লৈখ্রে হায়না পাউদম্লকপসু লৈরিবনি। থৌওং অদূবু সাউথ কোরিয়ানা কন্না য়ানিংদবা ঊত্তুনা সিওলদা লৈরিবা রসিয়ান এম্বাসেদরবু কৌখত্তুনা তকখৎখিবনি হায়রি।
ন্যুক্লিয়র খূৎলায় মশীং য়াম্না পৈশিন্দুনা থম্মি হায়না মায়কৈ কয়াদগী মরাল শীনরক্লিবা প্যোংয়াংনা রসিয়াদা লান্মী অমসুং মতমগী খুৎশু-খূৎলায় কয়ামরুম থাজিন্দুনা য়ুক্রেনগী মায়োক্তা লান্দাবদা মতেং পাংননবা থৌরাং তৌরি হায়না সিওলনা অকনবা মওংদা য়ানিংদবা ঊত্তুনা রসিয়ান এম্বাসেদরবু কৌখত্তুনা ৱাহং-পাউহং চত্থখিবনি। চহী অসীগী হৌখিবা জূন থাদা রসিয়ান প্রসিদেন্ট ব্লাদিমির পুটিন অমসুং মহাক্কি নোরথ কোরিয়ান কাউন্টরপার্ট কিম জোং উন অনিগী মরক্তা খূৎলায় মতেং পাংননবা মিলিটরি দিল অমা খূৎয়েক পীনবগী থৌওংসু লৈখ্রবনি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে