ইম্ফালদা লৈবা প্রিন্সিপাল এক্কাউন্টেন্ট জেনরেল ( এ এন্দ ই) গী ওফিসতা সেনিয়র এক্কাউন্টেন্ট ওইনা থবক তৌরিবা ওফিসিয়েল অমা সেন্ট্রেল ব্যুরো ওফ ইনভেষ্টিগেসন (সি বি আই) গী ইম্ফালদা লৈরিবা এন্টি করপ্সন ব্রাঞ্চ ( এ সি বি) না ফাগৎখ্রে।
সেন্ট্রেল গভর্নমেন্ট কি ওফিসিয়েল অমসুং ষ্টাফশিংনা শেঞ্জা -থুমজাগী থবক চত্থবা থিংননবা পান্দমদা মতম খরগী মমাঙদা ইম্ফালদা লিংখৎখ্রবা,এস পি অমনা লুচিংবা ব্রাঞ্চ অসীনা অকক্নবা ইন্টলিজেন্স কি ইনপুট অমদা য়ূম্ফম ওইরগা থিজিনখিবা অমদা সেনিয়র এক্কাউন্টেন্ট ওইনা লৈরিবা ইরোম বিশোর্জিৎ ফাবা ঙমখিবনি।
হায়রিবা মীওই অসীনা মোদিফাইদ এস্যুর কেরিয়র প্রোগ্ৰেসন ( এম এ সি পি) গী ফাইল প্রোসেস তৌবগা মরী লৈননা পাঙ্গৈদা লৈবা ফোরেন্সিক সাইন্স লেবোরেটরিদা থবক তৌরিবা ষ্টাফ অমদগী লূপা লীশিং তরাগী শেনফম লৌখি হায়বা কনফার্ম তৌখিবগা লোয়ননা খূদক্তা প্রিন্সিপাল এক্কাউন্টেন্ট জেনরেল গী ওফিসতা চৎলগা ইরোম বিশোর্জিৎ পু ফাগৎখিবনি।
ইনভেষ্টিগেসন এজেন্সি অসীনা মমাঙদগী হৌনা সেন্ট্রেল গভর্নমেন্ট কি ওফিসিয়েল অমসুং ষ্টাফশিংনা শেঞ্জা -থুমজাগী থবক চত্থবা থিংননবা অমসুং অতৈ মখলগী ক্রাইমশিং থিগত্তুনা ইনভেষ্টিগেসন চত্থদুনা লাক্লিবনি।
কনাগুম্বা সেন্ট্রেল গভর্নমেন্টকি ওফিসিয়েল অমসুং ষ্টাফশিংনা শেঞ্জা -থুমজাগী থবক চত্থবা লৈরবদি ইম্ফালদা লৈরিবা এন্টি করপ্সন ব্রাঞ্চ অসীদা পাউ পীবিরক্নবা সি বি আইগী মায়কৈদগী মীয়ামদা খঙহল্লক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা