মনিপুরদা শান্তি অমসুং তঙদূ- লৈতানা হিংবা মীয়ামগী পুন্সি মরেল অমা পুরক্ননবা মহাক্কি লৈঙাক্না অকনবা থবক-থৌরমশিং পায়খৎলি হায়না চিফ মিনিষ্টর নোংথোম্বম বিরেন্না ফোঙদোকখিবগা লোয়ননা ফনা য়াম্না শান্তি পূরক্কনি হায়রবসু, অদুগা ঙসী-হয়েংমক ঈরাং অসী লেপ্তুনা অতিয়া য়ৌনা চাওখৎপগী পন্দোল লোম্লবা মনিপুর অমা ওইগনি হায়বা লৈরবফাও লমদম অসীগী কায়হনবা নত্রগা শোক্লুবা, থেংলুবা য়াররোইদবা ইস্যুশিংগা কমপ্রোমাইজ তৌবদি কৈদৌনুংদা য়ারোই হায়না চিফ মিনিষ্টর নোংথোম্বম বিরেন্না ফোঙদোকখ্রে।
থা অসীগী তরুক্তা চিফ মিনিষ্টরগী সেক্রেটরিয়েত্তা লৈরিবা দরবার হোলদা চিফ মিনিষ্টর্স কোচিং স্কিম ফোর এন্ট্রান্স এগজামিনেসন টু প্রোফেস্নেল কোর্সেস হায়না খঙনরগদবা, মরুওইবা এগজামিনেসন শিংগীদমক থেংননবা শেম-শারিবা মহৈরোয়শিংদা মখাতাবা ইদুকেসন অমসুং শেলগী ওইবা তেঙবাং পীনবগী স্কিম অমা হৌদোকখিবা থৌরমদা চিফ মিনিষ্টর অসীনা মহাক্কি ওইবা ৱাফম ফোঙদোকপা মতমদা মনিপুরগী হৌজিক লৈরিবা শোক্লুবা থেংলুবা য়াররোইদবা কোর ইস্যুশিংগী মতাংদা মহাক্কি ওইবা অচেৎপা ফিরেপ অদূ মরী লৈনবশিংদা থমখিবনি।
অনৌবা স্কিম অসীগী কান্নবশিং অদূ লমদম অসীগী মহৈরোয়শিং অমসুং মখোয়গী ঈমূং-মনূংগী গার্জিয়ানশিংনা লৌবিনবসু সি এম্না আপিল তৌখি। হেল্থ মিনিষ্টর দা. এস রঞ্জন, পি দব্লিয়ু দিগী মিনিষ্টর গোবিন্দাস কোন্থৌজম, লেবর মিনিষ্টর ঐচ দিঙ্গো, ইদুকেসন মিনিষ্টর টি ঐচ বসন্ত কুমার অমসুং অতৈ ওফিসিয়েলশিংশু থৌরমদুদা শরুক য়াখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে