ইম্ফাল ইষ্ট দিষ্ট্রিক্ট মনূং চন্না লৈরিবা কায়রং মখা লৈকায়, লেন নম্বর ৩ দা লৈবা, পি দব্লিয়ু দিগী স্পিসিয়েল কন্ট্রেক্তর ওইবা মীওই অমগী য়ূমগী থোঙ্গালদা শকখঙদবশিংনা শক্তি লৈরবা বোম অমা থমজিন্দুনা অকি- অখঙ মায়োক্নহল্লম্লে। “নঙগী ইমুং কনানা কনবা ঙমগনি সঙ্কর”, হায়না ইবা চে অমনা য়োমশীল্লবা মতূংদা বোম অদূ মহাক্কি য়ূমগী থোঙ্গালদা থমজিল্লম্বনি হায়রি।
য়ূম্বূ অদূগী মমীং থোকচোম শঙ্কর (৫২) কৌই, অপোকপা লৈখিদ্রবা টি ঐচ বিহারিনি। বোম অদূ অয়ূক পূং ৬ লোম তারকপদা য়ূমগী মীওইশিংনা থোঙ্গালদা লৈরম্বা থেংনবদগী পুলিসতা পাউ পীরবা মতূংদা ইম্ফাল ঈষ্ট দিষ্ট্রিক্ট পুলিস কম্মান্দোগী টিমশিং লাক্তুনা লৌখৎলগা পুখ্রে হায়রি।
পুলিসকি পাউ মতূং ইন্না, বোম অদূ শেলগী দিমান্দ গা মরী লৈনরম্বা য়াই হায়রি। অদূম ওইনমক হৌজিকফাওবগী ওইনা কনাগুম্বা লূপ অমত্তনা শঙ্কর নত্রগা মহাক্কি ঈমূং-মনূংগী মীওইশিংদা করিগুম্বা মখল অমত্তগী দিমান্দ তৌরকখিবা লৈত্রি হায়না ঈমূংগী মীওইশিংনা ফোঙদোকখি।পুলিসনা থৌদোক অদূগী মতাঙদা থিজিনবসু হৌখ্রে।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি