জিরিবাম দিষ্ট্রিক্ট হেদ ক্বার্টর্স তগী ইরাপ লাপ্তনা জিরি-টিপাইমুখ লম্বীদা চৎলগা লৈরিবা শৈজাং ভিল্লেজদা শারম্বা কুকি- মিলিসেন্টশিংগী বঙ্করশিং সেক্যুরিটি ফোর্সনা থা অসীগী ১৭ তা মপূংফানা থুগাইদুনা মাঙহনখ্রে। মফম অদূদা কুকি- জো মিলিটেন্ট শিংগী বঙ্করশিং শাদুনা লৈখিবা মরম্না মৈতৈ কাঙলূপকি মীওইশিং বোরোবেক্রানচিংবা মায়কৈরোমদা চৎথোক- চৎশীন মনীংতম্না তৌবা য়াহন্দনা লৈরকখিবনি হায়রি।
কুকিশিংনা অৱাংবা চীঙথক্তগী ঙাইহাক লৈতনা তম্পাক্কি মোংবুং মৈতৈ খুলদা কাইহৌরক্তুনা অকনবা মওংদা বোম অমসুং অফবা মখলগী অশানবা নোংমৈশিং শীজিন্নদুনা এত্তেক চত্থরক্তুনা লৈরকখিবনি। ওইরক্লিবা অকিবা ফংলবা ফীভম অসী লাকশীনবা ঙম্ননবগী পান্দমদা জিরিবাম দিষ্ট্রিক্ট পুলিসকি সুপরিন্টেন্দেন্ট ওইনা লৈরিবা কে ঐচ রোবিন্সন্না ৩৯ শুবা আসাম রাইফলসকি কম্মান্দেন্ট কা পাউ ফাওনরবা মতূংদা হায়রিবা বঙ্করশিং অদু থা অসীগী ১৭ কি অয়ূক্তা মপূংফানা থুগাইদুনা মাঙহনখিবনি হায়রি।
নাকল অমরোমদনা, থা অসীগী ১৭ কি নুমিদাং পূং ৬.৩০ খরা হেল্লকপা মতম অদূৱায়দসু কুকি- মিলিটেন্ট শিংনা মোংবুং মৈটৈ খুঙ্গংদা চঙশীল্লক্তুনা বোম অমসুং নোংমৈগী লান হৈথরকপদগী মফম অদুগী ভিল্লেজ ভল্লন্টিয়রশিংনা খূৎ হন্দুনা নুমীৎ অদূগী অথেঙবা অহীংগী মতম ফাওবা নাকল অনীগী মরক্তা খূৎ থোক্নবা লেপখিদে হায়না পাউগী লীখূন অমনা ফোঙদোরক্লি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর