লম্বীগী খুদোংথীবা থৌদোক অমদগী শোক্তুনা লৈরিবা, নুংতিগী লমদমসিদা অয়ূক্তা ফোঙবা পাউচে শঙাই এক্সপ্রেসকি সেনিয়র রিপোর্টর সাপম অরুনাগী অশোকপা ফীভম ঙরাং ৱাংখৈ এসেম্বলী কন্সটিট্যুয়েন্সিগী এম এল এ থাংজম অরুনকুমারনা চত্তুনা য়েংশিনখ্রে।
অনাবগী ফীভম করম তৌরিবগে হংবা চৎখিবা এম এল এগী খোঙচৎ অদুদা ঙমজবা শেলগী তেঙবাং খরসু এম এল এনা আরুনাগী মফমদা পীরমখি। অহীঙ- নুংথিল অৱা- অনা কয়া খাঙদুনা থৱায় পাম্মুবা লৈতনা খুদোংথীবা কয়াগী মরক্তা খুনাই অসীগী মীয়ামদা অচূম্বা ঈ-পাউ ফংহন্ননবা হোৎনরিবা পাউমীশিংদা মখল অমত্তগী অকি-অখঙ থোকহনবিগনু হায়না এম এল এনা মরী লৈনবশিংদা আপিল তৌখি।
লমদম অসীদা শান্তি ওইবা, তঙদূ-লৈতাবা মহৌশাগী শক্তম হঞ্জিল্লক্নবা হোৎনবদা, কত্থোকপখক্তনা মথৌদাং ওইরিবা পাউমীশিংনা য়াম্না মরুওইবা থৌদাং কয়া লৌদুনা লাক্লিবনি হায়না মহাক্না ফোঙদোকখি। পাউমীশিংনা অনা-অয়েক য়াওরকপদা থাংমৈবন্দ এ সিগী এম এল এ খুমুকচম জয়কিষন্নসু মতম চূপ্পদা মতেং পাংদুনা লাক্লিবা অসী য়াম্না থাগৎনিঙায়নি। মহাক মশামকসু পাউমীশিংগী অৱা-অনাশিংদা অঙম্বা থাক্তা মতেং পাংগনি হায়না আরুনকুমারনা মখাতানা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা