মনিপুরদা মমাঙ চহীগী মে অহূমদগী ঙসীফাওবদা থা ১৮ লোম চত্থরক্লিবা কুকি- মিলিটেন্টশিংগী হীংশা অসী লাকশীন্ননবা লৈঙাক্না লৌখৎলকপা থৌরাংগী শরুক অমা ওইনা সেক্যুরিটি ফোর্সনা তোঙান তোঙানবা মফমশিংদা সর্স ওপরেসন, এরিয়া দোমিনেসন অমসুং কোম্বিং ওপরেসনশিংগী মনূং চন্না থা অসীগী মঙাদসু মশীং য়াম্লবা খূৎশু- খূৎলায় কয়ামরুম ফাগৎপা ঙমখ্রে।
ককচীং দিষ্ট্রিক্টকি মনূং চন্না লৈরিবা ৱাবগাই নাটেক খোংদা সেক্যুরিটি ফোর্সনা থিবা-হূম্বগী থবক চত্থখিবদা রিকোভর তৌবা ঙমখ্রবা খূৎশু- খূৎলায়শিং অদূগী মনূংদা মেগজিন য়াওবা কার্বাইন অহূম, এয়রগন রাইফল অমা, সিঙ্গল বেরেল রাইফল অনী, নাইন এম এমগী পিষ্টোল অমা, দিটোনেটর য়াওদবা ৩৬ঐচকি গ্ৰেনেদ ১৮, মোর্টার সেল অহুম, এম কে থ্রী গ্ৰেনেদ ৪, স্মোক সেল ৬, এন্টি-রাইওট রব্বর বুল্লেট ২, ষ্টিঙ্গর কিরট্রিজ ১ অমসুং অতৈ মশীং য়াম্লবা খূৎলায় কয়ামরুম রিকোভর তৌবা ঙমখি হায়রি।
সেক্যুরিটি ফোর্স না ককচীং দিষ্ট্রিক্টকি অতৈ- অতৈ মফমশিংদসু য়ূমথোঙশিংদা চঙদূনা ভেরিফিকেসনগী থবক চত্থখি। মীওই ১৬০ রোম মশা-মশাগী শক্তাকচে পুথোকহন্দুনা চত্থখিবা ভেরিফিকেসন অদুদা থোইদোকপা মীফা- মীপূন্দি য়াওখিদে হায়রি।
You may also like
-
ফেসোক্কি থৌমীশিংনা বোসেমগী ওফিস থোঙ লোনশীন্ননবা থোমজীনখ্রে
-
অরম্বাই তেঙ্গোলগী লুচিংবা কোরৌঙানবগী মথক্তা এন আই এ না কেস লৌখৎখিবগী মায়োক্তা মীয়াম্না খোঙজঙ চঙশীনখ্রে
-
মহৈ তম্লিবা মচাশিংগী অপাম্বা, অফবা ৱাখল্লোন খঙদোকপিরগা পূক্নিং থৌগৎপীবা হায়বসি মপা মমাগী থৌদাংনি
-
শক্নায়রবা মীওই কয়ামরুম কংগ্রেস পার্টিদা চঙলকখ্রে, তরাম্না ওকখ্রে
-
ফাইনান্স কম্মিসনগী টিমগা মীফম পাঙথোক্তুনা খন্নখ্রে