য়ুনিভর্সিটি কোল্লেজ,লন্দন ( য়ু সি এল) অমসুং গ্ৰেট ওর্মোন্দ ষ্ট্রিট হোস্পিটালগী সাইন্টিষ্ট শিংনা ল্যুকেমিয়া হায়না খঙনরিবা,অখঙ-অহৈ দাক্তরশিংনা ঙসীফাওবদা মপূঙফানা লায়েংবা ঙম্নদ্রিবা কেন্সর লায়না মখল অসী চপচানা ফহনবা ঙম্লগনি হায়না পানরিবা চাংয়েং মখল অমা পাঙথোকপা ঙমখিবগা লোয়ননা শাথীনা খুদোংথীনিঙায় ওইরবা লায়না অসী ফগৎহনবা ঙম্লগনি হায়বগী অচৌবা থাজবা অমা লৈহনখ্রে।
ল্যুকেমিয়া হায়না খঙনরিবা ব্লদ কেন্সর মখল অসী মীওইবগী হকচাংদা ঈ শুংবদা চঙলিবা টিস্যুশিংদা কেন্সর নারকপগী থৌওং অমনি।মরূ ওইনা হকচাংদা য়াওবা বোন মেরোদা মহৌশাগা মান্নদবা মওংদা হ্বাইট ব্লদ সেল কা হেন্না মশীঙ য়ামখৎলকপগী ফিভম অদুনি।সাইন্টিষ্টশিং অদুনা জিন থেরাপি মখল অমা চাংয়েং তৌদুনা য়েংবদা ল্যুকেমিয়া হায়না খঙনরিবা ব্লদ কেন্সর মখল অসী মায়থীবা পীবা ঙম্লকপগী মতৌ উবা ফংলকখিবনি হায়রি।মসীগা লোয়ননা ঙসীদি কেন্সর লায়না লায়েংদা অনৌবা মায়োন অমা লাক্লে হায়না অখঙ-আহৈশিংনা ফোঙদোক্নরক্লি।
মহৌশাদি অনাবা মীওই অদূগী ইম্যুন সেলশিংদা ইম্যুনোথেরাপি তৌদুনা খরা শেমদোক -শেমজীন তৌরগা মতম খরা পুন্সি শাংদোকহনবা ঙম্লম্বনি।অনৌবা চাংয়েং অসী ইহান হানবা ওইনা সাইন্টিষ্ট টিম অদূনা মশাগী চহী ১৩ খক্তা ঙায়রিবা নূপীমচা অমদা মায় পাক্না চত্থবা ঙমখিবনি।হৌজিকসু মীওই কয়ামরুমদা চাংয়েং অসী চত্থবদা চাদা ৬৪ ফাওবগী চাংদা মায় পাকপা ঙমখ্রে।মখাতানা য়েংশিল্লবা মতূঙ অথূবা মতমদা মীয়ামদা কান্নবা ফংহন্ননবা হোৎনরি হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা