ঙরাং অয়ূক অঙনবা মতমদা সাউদি আরাবিয়াদা লৈবা মক্কাহদগী মেদিনা তম্না চৎখিবা পেসেঞ্জর বস অমগা, মায়োক্নবা মায়কৈদগী লাকখিবা দিজল ট্রক অমগা য়াম্না শাফূ কন্না থেঙ্গায়নখিবা থৌদোক অমদা বস অদুদা তোংখিবা ইন্দিয়া মচা ৪২ শিরে হায়না এজেন্সীগী পাউনা খঙহল্লকখ্রে। ইন্দিয়ানশিং অদূ অয়াম্বনা হায়দ্রবাদতগী মুসলমানশিংনি হায়রি।
পিলগ্ৰিমশিং অদূনা মক্কাহদা লাইনীং লাইশোনগী থৌরমশিং পাঙথোক্লবা মতূঙ মেদিনাদা চৎখিবগী লম্বীদা লাইবক থীবা থৌদোক অদূ থোকখিবনি হায়না ফোঙদোরক্লি। টেলঙ্গানাগী চিফ মিনিষ্টর অনুমুল্লাহ রেবান রেদ্দি না লাইবক থীবা থৌদোক অদূগী মতাঙদা থম্মোয় শোক্না অৱাবা ফোঙদোকখিবগা লোয়ননা খূদক্কি ওইনা পাংবা য়াবা মতেঙ পাংননবা ষ্টেট লৈঙাক্কি চিফ সেক্রেটরি অমসুং দি জি পিনচিংবদা পাউতাক পীখ্রে।
মিনিষ্ট্রি ওফ এক্সটর্নেল এফ্যের্স অমসুং সাউদি আরাবিয়াগী এম্বেসিনা ইন্দিয়ানশিং অদূগী ঈমূঙ -মনূঙশিংগী মতেঙ পাংননবা থবক পায়খৎবসু মহাক্না তকশীনখি। এক্সটর্নেল এফ্যের্স মিনিষ্টর জয়সঙ্করনা থৌদোক অদূবু য়াম্না লাইবক থীবা অমনি হায়না নুঙাইতবা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা