রোটরি ক্লব ওফ পোলো সিটি ইম্ফাল ( আর সি পি সি আই) না পাৎশোইদা লৈরিবা ঔরা চিলদ্রেন হোমদা লৈরিবা অঙাঙশিংগা উনদুনা মখোয়গী পূক্নীঙ ৱাখলদা লৈরিবা, ফোঙদোক্তবা হৈ-শিংবা, টেলেন্ট অমদি তৌবা ঙম্বা মতীক-মগুন কয়া অদূ মতৌ করম্না মীয়াম মমাঙদা পুথোক্লগা মশাগী অমসুং খুন্নাইগী কান্ননবা হীরমশিংদা শীজিন্নগদগে হায়বগী মতাঙদা নৈনবগী ইন্টরেক্তিব সেসন অমা ঙরাং পাঙথোকখ্রে।
ক্লব অসিগী প্রসিদেন্ট সোভিদ এলাংবম, সেক্রেটরি প্রিসোজিট এলাংবম, সেনিয়র মেম্বর দা. দিপক চীঙথামনচিংবা লুচিংবশিংনা শরূক য়াখিবা থৌরম অদুদা মখল মথেল কয়াগী থৌরমশিংসু চিলদ্রেন হোম অদূগী অঙাঙশিংগা পূন্না শরুক য়ামিন্নদুনা পাঙথোকমিন্নখি। ইন্টরেক্সন অদুগী মনূঙ চন্না স্পোর্টিং ইভেন্ট অমদি ফন গেম কয়াসু পাঙথোকখি।
অঙাঙশিং অদুনা থৱায় য়াওজবা, পামজবা মখলগী গেম, স্পোর্টস অমসুং অতৈ এরিয়াশিং খঙদোকমিন্নখিবগা লোয়ননা হায়রিবা অপাম্বশিং অদূ মতৌ করম্না মীয়ামদা পুথোক্তুনা খুন্নাইদা কান্নবা ওইহনগদগে হায়বগী মতাঙদা ক্লবকি লুচিংবশিং অদুনা শুগায়না ফোঙদোকখি। য়োগা সেসন অমসু পাঙথোকমিন্নরদুনা নুংতি নুমিৎ খূদীঙগী অসিগুম্বা য়োগা মওং অসী অয়ূক অমসুং নুমিদাংৱাইরমশিংদা চাং নাইনা চত্থবনা হকচাং অমদি পূক্নিঙদা শান্তি ওইহনবতা নত্তনা হকশেলগী ফীভমসু হেন্না ফগৎহল্লি হায়খি। ক্লবকি মেম্বরশিংনা ফুটবোল অমগা পঞ্চিং বেগ অমসু অঙাঙশিং অদূদা খূদোল তম্লমখি।
You may also like
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে
-
লৈখিদ্রবা রতন থীয়ামদা ভারত রত্ন এৱার্দ পীননবা সনাজাউবনা তকশীনখ্রে
-
জে এফ দিগী খোঙজঙদা অরম্বাই তেঙ্গোল লাক্ষ ১.৯২ না মপূঙ ফানা শৌগৎকদৌরি