চহী অনী মপূঙ ফারবা, কুকি-নার্কো টেরোরিষ্ট শিংনা চত্থরক্লিবা হীঙশাগী ঈরাং অসিনা মরম ওইদুনা মীওই লীশীং ৬০ হেনবনা লাঞ্জেন্নদুনা তোঙান- তোঙানবা রিলিফ কেম্প শিংদা চঙজফম লৌদুনা লৈরক্লি। সেন্টর অমসুং ষ্টেট লৈঙাক্না হৌজিক ফাওবা রিলিফ কেম্প শিংদা লৈরিবা মীওইশিং অসী মশা- মশাগী হান্নগী লৈফমশিংদা হঞ্জিলহন্ননবা হোৎনবা ঙমদ্রিবসি খ্বাইদগী লাইবক থীবনি হায়না পেন্দবা ফোঙদোক্তুনা ইনমেটশিংনা অকনবা প্রোটেষ্ট তৌখ্রে।
পীস কম্মিটি কংলৈপাক, মনিপুরগী মীৎয়েং মখাদা শওম্বুং, মৈতৈ লাঙ্গোল, লৈমা খুল্লেল, সগোলতোংবা, মেকোলা রিলিফ কেম্পনচিংবা য়াওনা তোঙান- তোঙানবা রিলিফ কেম্প শিংদা লৈরিবা ইনমেটশিংনা ৱাকৎ মীফমশিং চত্থখ্রে। মীফমশিং অদুদা ঐখোয় য়েলহৌমীশিংনি, মীতোপ নত্তে, ঈশাগী ঈরমদমদা ঐখোয়বু খূৎশেমগী মীচেল ওইহনগনু, ঐখোয়বু খূদক্তা ঈশাগী হান্নগী লৈফমশিংদা হঞ্জিলহন্ননবা হোৎনবা ঙমদ্রবদি ঐখোয়বু হাত্তোকপিরো, পি আর থম্বনা করি কান্নবা পুরক্লবগে হায়না থাবা প্লেকার্দ শিং ইনমেটশিংনা শীজিন্নখি।
শগোলতোংবদা লৈরিবা দি রিসেন্ট স্কুলদা হাংলিবা রিলিফ কেম্পতা চত্থখিবা প্রোটেষ্টতা শরুক য়াখিবা ইনমেট মোইরাংথেম ইবেম্মনা হায়, ইন্দিয়া লৈঙাক্না ঙসী ফাওবা ঈরাং অসী লোইশিনবা ঙমদ্রবনিনা ঐখোয়গী ওইবা রিজোল্যুসন লৌজনবগী তাঞ্জা লাক্লে। ঐখোয়বু ঈশাগী ঈরমদমদা মীচেল ওইহন্ননবা শীল্লিবা ইন্দিয়া লৈঙাক্কি মথক্তা মখল-মথেল কয়াগী খোঙজঙ চঙশীল্লগনি হায়খি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে