মনিপুরগী গভর্নর অজয় কুমার ভাল্লানা হন্দক প্রাইম মিনিষ্টর নরেন্দ্র মোদি মনিপুরদা লাক্কদৌরিবা খোঙচৎ অসীদা মীয়াম মশীঙ য়াম্না তিলহন্নবনি অমসুং মায় পাকপা খোঙচৎ অমা ওইহন্ননবনি হায়দুনা বি জে পিগী এম এল এশিংখক্তা খন্দোক্লগা হঞ্জিন-হঞ্জিন কৌরগা ৱাফম কয়া চীকথনবগী থৌওং অমা চত্থরক্লিবা অসী নিয়মগী ৱাংমদনি, তৌহৈদবা অমনি হায়না কংগ্রেস লেজিসলেচর পার্টিগী লিদর অমসুং মনিপুরগী হান্নগী চিফ মিনিষ্টর ওক্রম ইবোবিনা য়াম্না কন্না য়ানিংদবা ফোঙদোকখ্রে।
প্রাইম মিনিষ্টর নরেন্দ্র মোদিগী মনিপুর খোঙচৎকিদমক মায় পাকহন্নবগী তশেং-তশেংবা পান্দমগী ওইরবদি গভর্নর অসিনা লমদমশিদা লৈরিবা পোলিটিকেল পার্টি পূম্নমক্কি এম এল এশিং পূন্না কৌরগা খন্নফম থোকপনি। মদূ মহাক্তি ঙসীফাওবা তৌদে। থৌওং অসী ষ্টেট অমগী কন্সটিট্যুস্নেল হেদ ওইরিবা গভর্নরগুম্বা অমনা চত্থফম থোক্তে হায়না ইবোবিনা ফোঙদোকখি।
ঙরাং অয়ূক পূঙ ৯ লোম তারকপা মতমদসু গভর্নর অজয় কুমার ভাল্লানা চুরাচান্দপুরদা চত্তুনা দিষ্ট্রিক্ট অসীগী দেপ্যুটি কম্মিস্নারগী ওফিসতা মফম অদূগী বি জে পিগী এম এল এশিং কৌরগা ৱারী শানখি। টিপাইমুখ, কেন্দ্রগী এম এল এ ঙুরশাংলুর সনাটে, থানলোনগী এম এল এ ভুংজাগিন ভাল্টে, হেংলেপকি লেটজামাং হাওকিপ, সাইকোৎকি পাউলিয়েনলাল হাওকিপ অমসুং সিংহাৎ কেন্দ্রগী এম এল এ চিনলুন্থাংনচিংবা মীফমদুদা শরুক য়াখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা