জিরিবাম-ইম্ফাল রেলৱে প্রোজেক্ট অসী হৌখিবা কুমশিং ২০১৬ তগী খূমাঙ য়াঙনা চঙশীল্লক্লিবা আমনি।ঙসী-ঙসীমক ইম্ফাল নোংচুপ পানাগী তাইরেনপোকপী মনাক্তা টন্নেল ১২ হুৎপগী থবক পায়খৎলক্লি।সহাইবুং ভিল্লেজদগী তাইরেনপোকপী মনাক্কি অতোং খূমন ফাওবা কিলোমিটর ১০.২৫ শাংবা টন্নেল হুৎপগী থবক চত্থরক্লি।হৌজিকফাওবদা কিলোমিটর ১.৪৫ হুৎপা লোইখ্রে।
টন্নেল হুৎলিবা মফমসিদগী পঙলাপ লাপ্তনা লৈরিবা তাইরেনপোকপী অৱাং লৈকায়দা লৈবা নিংথৌজম লৈবাকচাউ কৌবা অমগী য়ূমদা, অমসুং অতৈ মনাক নকপা ইংখোলশিংদা হৌজিক য়াম্না চাউনা অমসুং শাংনা লৈক্রক চৎলকপদগী য়ূমগী মীওইশিং লৈগদবা কিনরে হায়না খুঙ্গং অদূগী নিংথৌজম লোকেন কৌবা মীওই অমনা ফোঙদোরক্লি।
রেলৱে ওফিসিয়েলশিংনা মফম অদূগী অকোয়বদা লৈক্রক অতৈসু মখাতানা চৎলকপা লৈব্রা হায়দুনা য়েংশিনবা তোয়না লাকই অদূম ওইনমক হৌজিক লৈক্রক চৎলক্লবা য়ূম অমসুং ইংখোলশিং অসী শেমজীনবগী ৱাফমদি অমত্তা ফোঙদোক্ট্রি।য়ূম অসীগী অঙাংশিংদি অহীঙ য়ারেকউ হায়বা য়াদ্রে, কিবদগী অতোপ্পগী য়ূমদা তূম্বা চৎনরে হায়খি।ইম্ফাল ৱেষ্টকি দিপ্যুটি কম্মিস্নারগী ওফিসিয়েলশিং লাক্তুনা মফম অসীদা য়েংশিনখ্রে অদূবু হৌজিক মখাতাবা থবক্তি লৌখৎলকপা লৈত্রি হায়না লোকেন্না ফোঙদোরকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা