কাউন্সিল ওফ হায়র সেকেন্ডরি ইদুকেসন মনিপুর (কোহসেম) না লৌবা ক্লাস ত্বেল্ব কি হৌজিক চত্থরিবা এগজামিনেসনগী ঙরাং পাঙথোকখিবা ফিজিক্স সবজেক্ট কি এগজাম হৌগদবা মিনিট খরখক্তা ঙায়শিল্লক্লবা মতমদা ক্বেসন লিক ওইরকখ্রে হায়না ফোঙদোক্নরক্লিবা অসিগী মতাঙদা মরাল লৈবশিং থিদোক্তুনা আইনগী মতূঙ ইন্না অকনবা অমসুং মতূঙদা খূদম-চাংদম ওইহৌবা য়াবা দন্দি পীহন্ননবা মনিপুর পুলিস কি সাইবর ক্রাইম ব্রাঞ্চ তা রিপোর্ট তৌখ্রে হায়না কাউন্সিল ওফ হায়র সেকেন্ডরি ইদুকেসন মনিপুর (কোহসেম) গী চ্যরমেন ওজিৎনা ফোঙদোকখ্রে।
মহাক্না হায়, ফিজিক্স সবজেক্ট থোকপা নুমিত্তা ক্বেসন লিক ওইরকখ্রে হায়না সোসিয়েল মেদিয়াদা ভাইরেল ওইরকখিবা পাউ অদূ তশেংনা হায়বা তারবদি অথোরিটিগী চেকশীন্দবা নত্রগা অশোয়বা লৈবদগী লিক ওইখিবা নত্তে। ক্বেসন লিক ওইখিবা অমত্তা লৈতে। লিক ওইরকখ্রে হায়রক্লিবা মতম অদূদি অয়ূক্কি পূঙ ৯.৩৮ দনি। মতম অদুদি মহৈরোয়শিংদা ক্বেসন পেপর অমসুং অন্সর স্ক্রিপ্ত পূম্নমক য়েন্থোক্তুনা পাউখুম পীরদুনা ইবা হৌনখ্রবা মতূঙদনি। ক্বেসন পেপরশিং ফংনরবা মতূঙদা মহৈরোয়শিংগী মরক্তগী সোসিয়েল মেদিয়াদা থাদোক্নরকপা শোয়দনমক ওইফম থোকই হায়খি।
অমবু ওইরবসু, অমবু ওইরবসু কোহসেমগী মায়কৈদগী ঙরাং অয়ূক পূঙ ১১ তারকপদা অথুবা মীৎয়েং চঙদুনা হীরম অসিগী মতাঙদা থিগত্তুনা মরাল লৈবশিং বুক তৌদুনা অকনবা চৈরাক পীননবা পান্দমদা সাইবর ক্রাইম পুলিসতা ফোর্মেল কমপ্লেন্ট অমা থাঙ্গৎখ্রে হায়না মহাক্না মখাতানা ফোঙদোকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে