হৌজিক মনিপুরদা থোক্লিবা হীংশাগী ঈরাং অসীগী মিংদা মীওই কয়ানা পেসেঞ্জর পুদুনা মীয়ামগী থৌগল তৌজরিবা গারি দ্রাইভরশিংদগী ঙাইহাক লৈতনা পুবা-থাংবা ঙম্লোইদবা মওংদা অচৌবা শেনফমশিং দিমান্দ তৌদুনা শেনখাই-থুমখাই চত্থরক্লিবসি তৌবিগনু হায়বা দিমান্দ তৌদুনা থৌবাল দিষ্ট্রিক্ট তা লৈরিবা পেসেঞ্জর গারি দ্রাইভরশিং অমসুং হেন্দিমেনশিংনা অকনবা প্রোটেষ্ট তৌদুনা খোঙজঙ চঙশীনখ্রে।
তোঙান তোঙানবা পেসেঞ্জর ট্রান্সপোর্ট এসোসিয়েসনশিংনা শেমখিবা থৌবাল দিষ্ট্রিক্ট ট্রান্সপোর্ট য়ুনিয়ন্না শীন্দুনা পাঙথোকখিবা ৱাকৎ মীফম অদূ ৱাংজিং কোদোম্পোকপি হৈরোক লমখায়দা চত্থখিবনি। হৌজিক থোক্লিবা লান অসীগী মিংদা কনাগুম্বা মীওই খরনা ঙাইহাক লৈতনা নোংমগী চারা তান্দুনা পেসেঞ্জর সার্বিস তৌজরিবা দ্রাইভরশিংদগী পুবা-থাংবা ঙম্লোইদবা শেনখাই-থুমখাই চত্থরক্লিবা অসী খূদক্তগী হন্দোকপিয়ু হায়না দ্রাইভরশিংনা ফোঙদোকখি।
টাটা মেজিক, ৱিঙ্গর অমসুং অতৈ পেসেঞ্জর গারিশিং অসি মীয়ামগী থৌগল তৌজরিবনি। পেসেঞ্জর গারিশিং অসি শেনফূ ওইনা লৌবিগনু, লানগী মিংদা শেল খায়বিগনু, এসোসিয়েসন্দা পুবা থাংবা ঙম্লোইদবা শেলগী দিমান্দ তৌবিগনু, নোংমৈদি য়েক্নবদা ওন্সীনবিয়ু, ঐখোয় তংদু-লৈতানা হিংজবা পাম্মি, খূৎশূমলনা ঐখোয়গী থৱায়নি, দ্রাইভরশিংবু নুংশিবিয়ু হায়বনচিংবা প্লেকার্দ শিং পায়দুনা অকনবা খোল্লাউ কয়া লাউখি।
You may also like
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে
-
ফ্লোরিদা ষ্টেট য়ুনিভর্সিটিদা মীওই অমনা নোংমৈনা কাপ্প দা অনী শিরে, তরুক শোক্লে
-
কাপিল সিবালনা সেন্টরবু অকনবা মওংদা মরাল শীখ্রে