মনিপুরদা নিংথৌ পামহৈবনা পানবা মতমদা লমকোয়বা লাকখিবা ময়াং লম্বোইবা শান্তদাস গোশাইনা মহাক্কি খোঙলোয়শিং নরান্দাশ অমসুং ভগবন্দাশকা লৌতূনরগা নিংথৌ পামহৈববু থম্মায়রবা মতূঙদা মতমদূগী লৈজরম্বা মৈতৈশিংগী নাৎ, চৎনবী, পুৱারি, লাইনিং অমদি লৌশিংগী পূক্কৈশিংগী তূঙনফম ওইরম্বা পুয়াশিং পুল্লপ কৌখত্তুনা কংলা উত্রা মমাঙদা পৈখৎলগা মৈ থাদোক্তুনা তুম্না মাঙহনখিবা অমম্বা নুমিৎ অদূগী চহী ২৯৩ শুরকপা নুমিৎ পালন থৌরম ঙরাং পাঙথোকখ্রে। ইম্ফাল ৱেষ্ট দিষ্ট্রিক্টকি মনূঙচন্না লৈরিবা নাউরেমথোংদা লৈবা য়ূম্নাম কেশো সিংহ কম্যুনিটি হোলদা পাঙথোকখিবা থৌরম অদূ পুয়া মৈ থাখিবগী নীংশীং লূপ (পুমানিল) না শীন্দুনা পাঙথোকখিবনি।
থৌরমদুদা ৱা ঙাঙবদা অকোমলূপ মনিপুরগী প্রসিদেন্ট সোরাইসম সঞ্জিৎনা হায়, নিংথৌ পামহৈবগী মতমদা লৈরম্বা ঐখোয়গী হৌরকফম, নাৎ-কলচরগী অমদি লৌশিং পূম্নমক্কি লনগৈ ওইরিবা মৈতৈশিংগী পুয়া পূম্নমক মৈ থাদুনা তুম্না মাঙহনখিবদগী ঙসী মৈতৈ খুনাই অসী মনীং হল্লক্লিবনি। পুয়া মৈ থাখিবা নুমিৎ অসীবু ঐখোয়না চহী খূদীংগী অমম্বা নুমিৎ হায়না খঙনদুনা লাক্লি। মৈতৈ খুনাইবু লৈখা তানা চিংথদুনা মাঙহনখিবা নুমিৎ ওক্তোবর ৮ অসীদা মীয়াম্না হরাও কূম্মৈগী থবক থৌরম খূদিংমক লেপকদবনি হায়না সঞ্জিৎনা ফোঙদোকখি।
কংলামৈগী প্রসিদেন্ট ৱাই লৈরিকলৈমা, কংলৈ ঈমা লূপকি প্রসিদেন্ট আর কে সনাহনবী, সি এল কেগী প্রসিদেন্ট সি ঐচ পাকপী চনূ অমদি অতৈ লূপ কয়াগী লুচিংবশিংসু থৌরমদুদা শরুক য়াখি।
You may also like
-
ঐচ এস এল সি ইগজামগী দোক্যুমেন্ট পুথোকপা ঙমদবা ওফিসার ফাইন থীনবা খঙহনখ্রে
-
মনিপুরদা মতম চানা রিন্যু তৌদবা মেদিকেল ফেসিলিটি কয়া হাংদুনা লৈরি
-
মেদজিফিমাদা কাঙলূপ অনী উংখৎনরক্তুনা খূৎ থোক্নখ্রে,য়ূম কয়ামরুম মৈ থাদোকখ্রে
-
কাঙলূপ মশেল মূক্নদুনা লৈবগী মহূৎ ভিক্সিট ভারত মায় পাকহন্নবা হোৎনমিন্নরসি: গোবিন্দাস
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে