বাল বিভাহ মুক্ত ভারত কেম্পেইনগী মখাদা দি প্রোহিবিসন ওফ চাইল্ড মেরিয়েজ এক্ট হায়বা অসীগী মতাংদা নোংমগী ওইবা ট্রেনিং কম এৱের্নেস প্রোগ্রাম অমা থৌবালগী দি সি কমপ্লেক্স তা পাঙথোকখ্রে। চৎলিবা মে থাগী মঙাদা থৌবাল দিষ্ট্রিক্ট কি দিপ্যুটি কম্মিস্নারগী কমপ্লেক্স তা লৈবা ইলেক্সন কাউন্টিং হোলদা ট্রেনিং কম এৱের্নেস প্রোগ্রাম অদূ পাঙথোকখিবনি।
থৌরম অদুদা থৌবাল দিষ্ট্রিক্ট কি এদিস্নেল দিষ্ট্রিক্ট মেজিস্ট্রেট লোকেশ্বর ব্রহ্ম চারিময়ুম এম সি এসনা অথোয়বা মীথূঙলেন ওইনা শরুক য়াখি। চাইল্ড ৱেলফ্যের কম্মিটি থৌবালগী চ্যেরপার্সন লাংপোকলাকপম রোমেন মৈতৈনা থৌরম মপূ ওইনা শরুক য়াখিবা ট্রেনিং কম এৱের্নেস প্রোগ্রাম অদুদা ঐখোয় পূম্নমক্না বাল বাভাহ মুক্ত ভারত কেম্পেইন মায় পাকহন্ননবা হোৎনবদা অচৌবা থৌদাং লৌমিন্নরসি হায়না অথোয়বা মীথূঙলেনগী ৱারোলদা লোকেশ্বর এম সি এসনা ফোঙদোকখি।
থৌরম অদুদা মনিপুর কম্মিসন ফোর চাইল্ড রাইটসকি লিগেল এদভাইজর এদভোকেট থীয়াম রাজকিশ্বরনা রিছোর্স পার্সন ওইনা প্রোহিবিসন ওফ চাইল্ড মেরিয়েজ এক্ট ২০০৬ কি মতাঙদা শুগাইবা ৱাফম কয়া ফোঙদোকখি। নূপীনা চহী ১৮ অমসুং নূপানা চহী ২১ শুদ্রিঙৈদা লুহোংলবদি আইনগী মায়োক্তনি, মদুদা চেন্নরিবা, শৌগৎলিবা মীওই পূম্নমক দন্দি ফংনিঙায় ওই হায়না মহাক্না ফোঙদোকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে