ঙসী অয়ুক পূঙ ১১.৩০ খরা হেল্লকপা মতমদা প্রাইম মিনিষ্টর নরেন্দ্র মোদি মনিপুরদা থুংলরগনি। মোদিগী খোঙচৎ অসী মপূঙফাবা অমা ওইহন্ননবা মনিপুর লৈঙাক্না শেম-শাবা পূম্নমক লোইখ্রে।পাউমীশিংগা ঙরাং উনখিবা অমদা প্রাইম মিনিষ্টরগী মনিপুর খোঙচৎ অসীনা লমদমসিদা মহৌশাগী ঈং- তপ্পা শক্তম হঞ্জিল্লক্ননবা অচেৎপা য়ূম্ফম থোল্লম্লগনি, অথূবা মতমদা মহৌশাগী তঙদূ-লৈতাবা শক্তম হল্লক্লগনি হায়না মনিপুরগী চিফ সেক্রেটরি পুনিট কুমার গোয়লনা ফোঙদোকখ্রে।
মনিপুর অসী ইন্দিয়াগী য়াম্না মরুওইবা বোর্দর ষ্টেট ওইবতা নত্তনা লৈবাক অসীনা লৌখৎলক্লিবা এক্ট ইষ্ট পোলিসি চাওখৎহন্নবগী য়াম্না মরুওইবা মফম অমনি। হাৎন- শুনবা খরা লেপখ্রে হায়দুনা মনিপুর শান্তি মপুঙফানা লৈরে হায়বা য়াখিরোই হায়বা ৱাফম থমখি।কাঙলূপশিংগী মরক্তা থম্মোয়গী ওইবা নুংশিনবগী অমদি থাজনবগী অশেঙবা শক্তম অমা লৈরক্লবা মতমদুদা মপূঙফানা শান্তি লৈরে হায়গদবনি হায়না চিফ সেক্রেটরিনা ফোঙদোকখি।
আইজোলদগী চুরাচান্দপুরদা অয়ূক্কি পূঙ ১১.৩০ খরা হেল্লকপা অদুৱায়দা প্রাইম মিনিষ্টর থুংলগনি। প্রোজেক্ট কয়ামরুম পায়খৎনবা উরেপ- উয়ুং তম্লম্লবা মতূঙ মফম অদূদা লৈরিবা আই দি পিশিং মহাক্না উনরবা মতূঙ পিচ গ্ৰাউন্দদা মীয়ামগী মীটীন্দা ৱা ঙাঙগনি। মদূগী মতূঙ ইম্ফাল দা নুংথিল পূঙ ২ তাবদা থুংলবগা লোয়ননা প্রোজেক্ট কয়ামরুম উরেপ- উয়ুং তম্লমগনি।মহাক্না প্রোজেক্ট কয়া অমগীনা শঙ্গারমগনি লোয়ননা আই দি পিশিংসু উনগনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে