হৌজিক চত্থরিবা পারলিয়ামেন্টকি নোংজু মীফমদা ঙরাং লোক সভাদা য়ুনিয়ন হোম মিনিষ্টর আমিট সহানা দি কন্সটিট্যুসন এমেন্দমেন্ত বিল-২০২৫ পুথোরকখ্রে। বিল অসীদা মরূওইনা পল্লিবা ৱাফমশিংদি থা অমা চূপ্না মরাল অমগীদমক জেলদা লৈরুরবা মকোকথোংবা এগজিক্যুটিবশিং মরোমদোম মশাগী ফমদগী তোকচগদবনি, মশানা খঙনা ফম থাদোকচগদবনি হায়বসিনি। প্রাইম মিনিষ্টর চিফ মিনিষ্টর, অতৈ মিনিষ্টরশিং অমসুং মকোকথোংবা এগজিক্যুটিবশিং থা অমা জেলদা লৈরুবা তারবদি ফম থাদোকচগদবনি হায়রি।
বিল অদূ জোইন্ট পারলিয়ামেন্টরি কম্মিটি অমদা স্পিকরনা শিন্নরদুনা মখাতানা খন্ননবা ৱাফম খঙহনখি। কংগ্রেস য়াওনা ওপ্পোজিসনগী এম পিশিংনদি বিল অদূ বি জে পিনা লুচিংবা এন দি এনা লৌতূনরগা পুথোরকপনি, য়াবা ঙম্লোই হায়না য়াম্না কন্না য়ানিংদবা ফোঙদোক্তুনা খোল্লাউ কয়া লাউখ্রে। বি জে পিনা লৈঙাক্তবা ষ্টেটশিংদা লৈরিবা চিফ মিনিষ্টর অমসুং অতৈ মিনিষ্টরশিং মরাল খরা থঙজীল্লগা মফম লৌথোকপা য়াননবা হোৎনরকপনি হায়না ওপ্পোজিসনগী এম পিশিংনা ফোঙদোক্তুনা বিল অদূগী কোপিশিং শেগায়খি।
অদূম ওইনমক কংগ্রেস লুচিংবা শচি থারুরনদি বিল অদূবু কন্না শৌগৎখি। মরাল লৈদুনা জেল য়ৌরুরবা প্রাইম মিনিষ্টর নত্রগা চিফ মিনিষ্টর অমনা মখাতানা ফম পায়রুবগী ৱাহন্থোক অমত্তা লৈফম থোক্ট্রে হায়না মহাক্না ফোঙদোকখি।
You may also like
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে
-
লৈখিদ্রবা রতন থীয়ামদা ভারত রত্ন এৱার্দ পীননবা সনাজাউবনা তকশীনখ্রে
-
জে এফ দিগী খোঙজঙদা অরম্বাই তেঙ্গোল লাক্ষ ১.৯২ না মপূঙ ফানা শৌগৎকদৌরি