নোরথ ইষ্টর্ন রিজনেল লেঙ্গুয়েজ সেন্টর, গুৱাহাটিনা চৎলিবা জূন থা অসীগী মাপন্দগী হৌদোকখিবা নুমিৎ ৬ নিগী ওইবা “প্রিপরেসন ওফ মনিপুরি কোর্স মেটরিয়েলস ইন মীটৈ ময়েক”, হায়না মিংথোনবা ৱার্কশোপ অমা চৎলিবা থা অসীমক্কি ১৪ দা মপূঙফানা লোইশিনখ্রে।
আসামগী গুৱাহাটিদা লৈরিবা হোটেল পর্সুরামগী কনফরেন্স হোলদা পাঙথোকখিবা লোইশিনবগী থৌরম অদুদা সেন্টর ফোর ইন্সটিটিউট ওফ ইন্দিয়ান লেঙ্গুয়েজেস মৈসুরগী এল দি সি আই এল ওইনা লৈরিবা দা. অমোম নন্দরাজনা অথোয়বা মীথূঙলেন ওইনা শরুক য়াখি। এন ই আর এল সি গুৱাহাটিগী সেনিয়র লেকচরর দা. হিদাম দোলেন সিংহনা থৌরমদুদা প্রসিদেন্ট ওইনা ৱা ঙাঙখি। মসীগা লোয়ননা নাউরেম বিরহরি কোল্লেজ খূন্দ্রাকপমদা লিঙ্গুইস্টিক দিপার্টমেন্ট কি হেদ ওইনা লৈরিবা দা. নোংমাইথেম প্রিতমকুমারনা অখন্নবা মীথূঙ ওইনা শরুক য়াখি।
ৱার্কশোপ অদূগী কোর্দিনেটর ওইখিবা, এন ই আর এল সি গুৱাহাটিগী লেকচরর দা. সলাম ব্রোজেন সিংহনা ফোঙদোকখিবদা, হন্দক পাঙথোকখিবা ৱার্কশোপ অদূগী মনূঙদা মীয়াম্না পান্দম থমখিবা ষ্ট্রকচর লেসনশিং অদূ মপূঙফানা লোইশিনবা ঙমখি হায়না অপেনবা ফোঙদোকখি লোয়ননা মতূঙ তাবদসু মসীগী রিভ্যু এন্দ ফাইনেলাইজেসন ৱার্কশোপ অমা য়াম্না অথূবা মতমদা পাঙথোক্ননবা পান্দম থম্লি হায়খি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে