তুংদা হৌরক্লিবা নহারোলশিং তুম্না মাঙহনবগা লোয়ননা খুনাই অসীবু মহাম তাহনগদৌরিবা দ্রগ মখল খূদিংমক্কি মায়োক্তা লৈঙাক অসীনা মতম চুপ্পদা লৈদুনা অসীগুম্বা মীওইবা জাতিগী মায়োক্তা লৈরিবা দ্রগকি পোৎলম খূদীংমক তুম্না মাঙহন্ননবা অমসুং মনিপুর য়াওনা ইন্দিয়াগী লৈমায়দগী মপূঙ ফানা মূত্থৎনবা সেন্টর অমদি ষ্টেট লৈঙাক্না অকনবা মীৎয়েং চঙদুনা থবক পায়খৎলক্লি। পুলিস পার্সনেলশিং ওইরবসু, ওইনিংবা মখলগী অচৌবা ওফিসারবু ওইরবসু, অদুগা মীচম ওইরবসু দ্রগ কারবারদা চেন্নরম্লবদি খ্বায়দগী মতীকচাবা আইনগী চৈরাক পীহন্ননবা থবক পায়খৎকনি, অচান-মীরায় নাইবগী ৱাফম অমত্তা লৈতে হায়না মনিপুরগী দিরেক্তর জেনরেল ওফ পুলিস রিজিব সিংহনা ফোঙদোকখ্রে।
মনিপুরগী গভর্নর ওইনা লৈরিবা অজয় কুমার ভাল্লা,সেক্যুরিটি এদভাইজর কুলদিপ সিংহ,চিফ সেক্রেটরি পুনিট কুমার গোয়ল অমসুং পুলিসকি মকোকথোংবা ওফিসিয়েল কয়া শরূক য়াদুনা ইম্ফালগী হপ্তা কাঙজৈবুঙদগী হর ঘর তিরঙ্গা গা মরী লৈনবা বাইক রেল্লি অমা খোংজোম ৱার মেমোরিয়েল কমপ্লেক্স ফাওবা লমথাবগী থৌরমদা ৱা ঙাঙবদা দি জি পিনা ৱাফম অসী ফোঙদোকখিবনি।
মনিপুর পুলিস অমসুং ষ্টেট লৈঙাক্কি য়ূথ এফ্যের্স এন্দ স্পোর্টস দিপার্টমেন্ট কি বাইক ১৩৭ , তোঙান-তোঙানবা বাইকর ক্লব ১৮ দগী বাইকর ৮৮০ , পূন্না বাইকর ১০১৭ না শরুক য়াখিবা থৌরম অদূ লৈবাক অসীনা নীংতম্বা ফংলকখিবা চহী ৭৯ শুরকপা থৌরম লাক্লিবা আগষ্ট ১৫ দা লৈবাক শীন্থুংনা পাঙথোক্কদৌরিবা অসীগী মাঙোইননা শীনখিবনি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে