ইলেক্সন কম্মিসন ওফ ইন্দিয়াগী ইন্সট্রক্সন মতূঙ ইন্না বিহার য়াওনা লৈবাক অসীগী তোঙান তোঙানবা ষ্টেট কয়াদা তৌনরকপগুম মনিপুরগী ওইনসু ফোটো ইলেক্তোরেল রোলগী স্পিসিয়েল ইন্টেন্সিব রিভিজনগী থৌরাং পায়খৎনবা থবক লৌখৎপা হৌরে হায়না মনিপুর লৈঙাক্কি জোইন্ট চিফ ইলেক্তোরেল ওফিসার রমানন্দ নোংমৈকাপ্পম্না ফোঙদোকখ্রে।
হীরম অসীগী মতাংদা লমদম অসীগী তোঙান তোঙানবা পোলিটিকেল পার্টিশিং অমসুং বুট লেভেল ওফিসারশিংগা হৌখিবা জুলাই ২৫ দা জোইন্ট সি ই ও গা পূন্না ফম্মিন্নদুনা য়াম্না কূপ্না খন্ন-নৈনখ্রে হায়না রমানন্দনা পাউমীশিংদা ফোঙদোকখি। রিভিজনগী থবক-থৌরমশিং অসী করম্বা মতমদা লোইশিনগদবগে হায়বগী অকক্নবা মতমদি মনিপুরগী ওইনা ই সি আইনা হৌজিকফাওবগী ওইনা খঙহল্লকপা লৈত্রি হায়খি।
হন্দক্কি মীফম অদূদা শরুক য়াখিবা মনিপুর প্রদেস কংগ্রেস কম্মিটিগী প্রসিদেন্ট কৈশাম মেঘচন্দ্র না হায়, স্পিসিয়েল ইন্টেন্সিভ রিভিজন অসীগী খূত্থাঙদা রিলিফ কেম্প শিংদা লৈরিবা আই দি পিশিং অসীগী এদ্রেস হোংদোক-হোংজিন তৌনবা লৈঙাক্না থৌরাং তৌরক্লবদি কংগ্রেস পার্টিনা কৈদৌনুংদা য়াবা ঙম্লোই। হৌজিক লৈরিবা রিলিফ কেম্পশিংগী এদ্রেসতা ভোটর চনশিনবা তারবদি খুদোংচাদবা কয়ামরুম মায়োক্নরক্কনি হায়খি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে