পাকিষ্টানগী য়াম্না মরুওইবা,ষ্ট্রেটেজিক ওইরিবা পেশৱার সহরদা লৈবা পেরামিলিটরি ফোর্সকি হেদক্বার্টরদা খূৎলায় মতীকচানা পায়রবা শকখঙদবা,টেরোরিষ্টশিংনি চিংনরিবা সুইসাইদ বোম্মরশিংনা অকনবা মওংদা খঙহৌদনা চত্থরকখিবা এত্তেক তা মীওই অহুম শিখ্রে।এত্তেক অদূ হৌখিবা নিংথৌকাবা নুমিৎকি অঙনবা অয়ূক্তা চত্তরকখিবনি।
নুমিৎ অদুদা সুইসাইদ বোম্মরশিং অদুনা মফমদুমক্তদা থংন -থংননা অনীরক হন্না এত্তেক চত্থরকখি হায়না এজেন্সিগী পাউ অমনা ফোঙদোরক্লি।টেরোরিষ্টশিংগী সুইসাইদ বোম্মরশিং অদুনা অহানবদা পেরামিলিটরি হেদক্বার্টর্স অদুগী মেইন গেট চঙফমদা অকনবা মওংদা শক্তি লৈরবা নোংমৈ বোম কাপশীন্দুনা এত্তেক চত্থরকখি।মদূগী মতূঙ ঈকান-কান্নদনা দিফেন্স কমপ্লেক্স অদূগী ময়ায় চবূক্তা লৈবা কম্পাউন্দ মনূঙদা অনীশুবা এত্তেক অমসু চত্থরকখি। থৌদোক অদুদা মীওই অহুম অদূ শিখিবনি হায়রি।
হৌজিকসু কমপ্লেক্স অদূগী মনূঙদা টেরোরিষ্ট খরা লোত্তুনা লৈরম্বা য়াই হায়না পাকিষ্টানগী ইনভেষ্টিগেটরশিংনা চিংনবা ফোঙদোরক্লি। মিলিটরি কমপ্লেক্স অদূ মী য়াম্না কূঙনা তাবা এরিয়াদা লৈবনি।
You may also like
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে
-
লৈখিদ্রবা রতন থীয়ামদা ভারত রত্ন এৱার্দ পীননবা সনাজাউবনা তকশীনখ্রে
-
জে এফ দিগী খোঙজঙদা অরম্বাই তেঙ্গোল লাক্ষ ১.৯২ না মপূঙ ফানা শৌগৎকদৌরি