নোংপোকথংবা আসামগী শিবসাগর দিষ্ট্রিক্ট মনূঙচন্না লৈরিবা ওইল এন্দ নেচরেল গ্যাস কম্মিসন্না চল্লাইবা থাউগী ৱেল অমদগী গ্যাস লিক ওইরকপদগী মীয়ামগী হকশেলদা চাউনা শীঙনরকপগী থৌওং নুমিৎ নিপান মপূঙ ফাজিনখ্রে।
গ্যাস লিক ওইরকখিবা অদূনা মরম ওইরগা মফম অদূগী মনাক নকপদা লৈরিবা য়ীয়ামগী হকশেলদা অচৌবা শীঙনবা অমা ওইরি। হকচাঙ ঙম্লক্তবদগী মীওই কয়ামরুম হোস্পিটালদা লায়কন্নবা য়াওরক্লে। হৌজিকসু নূপী-অঙাঙশিং য়াওনা মীওই মরি অরুবা ফীভমদা নারকপদগী জোরহাৎ মেদিকেল কোল্লেজদা লৈবা ইন্টেন্সিব ক্যের য়ুনিট ( আই সি য়ু) দা লায়কন্নরগা লৈরি। অতোপ্পা মীওই ২৫ হেনবসু হকচাঙ ঙম্লক্তবদগী হোস্পিটালাইজ তৌখ্রে হায়রি।
মসীগী মতাঙদা য়াম্না কন্না পেন্দবা অমসুং অশাওবা ফোঙদোক্লদুনা আসামগী চিফ মিনিষ্টর হিমন্ত বিশ্বা শর্মা না য়ুনিয়ন পেট্রোলিয়ম মিনিষ্টর হরদ্বিপ সিংহ পুরিদা অকনবা ৱাফমশিং ফোঙদোক্তুনা ও এন জি সিগী ওফিসিয়েলশিং, ষ্টাফশিং অমসুং শিন্মিশিংনা থৌশাদবদগী মীয়ামগী পুন্সিদা খুদোংচাদবশিং থোকহনবনি হায়না অশাওবা ফোঙদোকখ্রে। য়ারিবমখৈ য়াম্না অথূবদা গ্যাস লিক ওইরক্লিবদু শেমজীন্দুনা মহৌশাগী ফীভমদা হঞ্জিলহন্ননবা মরী লৈনবশিংদা ইন্সট্রক্সন পীবীয়ু হায়না চিফ মিনিষ্টর অসীনা য়ুনিয়ন মিনিষ্টরদা তকশিনখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে