ওল মনিপুর ৱার্কিং জর্নেলিষ্ট য়ুনিয়ন ( অমজু) অমসুং এদিটর্স গিল্ড মনিপুর ( ই জি এম) অনীনা খ্বায়দগী অফবা নুমিৎ অমা য়েংলগা মতম লেপথোকপিরবা মতূঙদা খঙহনবিরকপা মতূঙদা প্রেস ক্লব বিল্ডিংগী লিফট হাপ্ননবা থৌরাং তৌবা পূম্লোই লোইদুনা লৈরে হায়না থাংমৈবন্দ কেন্দ্রগী এম এল এ খুমুকচম জয়কিসন্না ফোঙদোকখ্রে।
ঙরাং অমজু অমসুং ই জি এমনা শীন্দুনা ইম্ফালগী প্রেস ক্লবতা পাঙথোকখিবা অচম্বা থৌরম অমদা ৱাফম অসী এম এল এ অসীনা ফোঙদোকখিবনি। মৈতৈ ফূরূপকি ওইনদি অফবা থবক অমা পাঙথোক্ননবা হোৎনবদা অফবা নুমীৎ, থাবান য়েংহৌবগী চৎনবী হায়বা অমসু থায়নদগী লৈরকপনিনা তঙায়ফদনা অখঙ- অহৈশিংগী পাউতাক লৌবসু মথৌ তারকপনি। মহাক্না মশাগী লৈজবা শেনফমদগী প্রেস ক্লব বিল্ডিং অসীগী লিফট হাপ্ননবা থৌরাং মশাগী ওইনদি পূম্লোই লোইজরে হায়খি।
হৌজিক মনিপুরদা কাঙলূপশিংগী মরক্তা অমগা অমগা অমগা মূক্নবা অমসুং নুংশিনদবগী থৌওংশিং উবা ফংলক্লিবসি য়াম্না লাইবক থীবনি। পাউমীশিংনা জর্নেলিষ্টিক ইথিক্স চেৎনা ঙাক্তুনা খুন্নাই অসীদা কাঙলূপশিংগী মরক্তা নুংশিনবা অমসুং শান্তি পুরকনবা হীরমদা অকনবা মীৎয়েং থমদুনা থবক তৌহন্নিংই হায়না জয়কিসন্না ফোঙদোক্লমখি। মনিপুরগী জিওগ্রাফিকেল বাউন্দরি কায়বা য়ারোই হায়না ঐখোয়না লাউরি, অদুগা অমরোমদনা ঐখোয় মশেল মরক্তা অমগা অমগা উনবা য়ানদ্রি, মূক্নরি, থবক অমা তৌবদা মতেং পাংশিন্নবগী মহুত্তা মায় পাকহন্দনবা হোৎনদুনা লৈরি। থৌওংশিং অসীনা ঈরমদম অসীদা অফবা অমত্তা পুরকপা ঙম্লোই হায়না মহাক্না মশাগী ওইবা মোৎ ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে