ঙরাং নুমীৎয়ুংবা মতূঙ পূঙখায় খরা হেল্লকপদা এয়র ইন্দিয়াগী ফ্লাইট তোংদুনা নুমিৎ নিনীগী খোঙচত্তা ইম্ফালদা লাকখিবা নেস্নেল পিপলস পার্টিগী নেস্নেল প্রসিদেন্ট সু ওইরিবা মেঘালয়াগী চিফ মিনিষ্টর কোনরাদ কে সংমানা ইম্ফালগী ক্লাসিক হোটেল দা লমদম অসীগী তোঙান- তোঙানবা সি এস ও কয়াগা উনদুনা মনিপুরগী হৌজিক ওইরিবা ফীভমশিং গী মতাঙদা খন্ন-নৈনখিবগা লোয়ননা নুমিদাংৱাইরমদনা এন পি পিগী লেজিসলেটরশিং অমসুং পার্টিগী ফঙ্কসন্নরিশিংগা উনখ্রে।
সি এস ওশিংগা উনখিবা অদূদা কোকোমি, ফোক্স, ঈমাগী মৈরা হায়রিবা লূপশিং অসীগী লুচিংবশিং শরুক য়াখি। মপান্দগী আইন কায়না মীতোপ চঙশীল্লকপগী অমদি লমদমশিদা আইনগী ৱাংমদা দ্রগ য়োল্লিবশিং মপূঙফানা থিংননবা এন পি পিনা অকনবা খোঙথাঙ লৌখৎপিয়ু হায়না সি এস ওশিংগী মায়কৈদগী সংমা দা তকশীনখি।
পার্টি লেজিসলেটরশিংগা উনখিবা অদুদা হৌজিক মনিপুরদা এন পি পিগী মরক্তা মৈরী থোক্তনা চাকপা হৌরক্লিবা য়ানদবগী অমসুং মূক্নবগী ফীভমশিং অসীগী মতাঙদা খন্নবগা লোয়ননা অথূবা মতমদা য়ানবগী থাক্তা লাক্ননবা পোরম য়াৎখ্রে হায়রি। ঙসী সংমানা কাংপোকপিদা চত্তুনা কুকি কাঙলূপকি সি এস ওশিংগা উনদুনা ৱাফম কয়া খন্নরম্লবা মতূঙদা কোহিমা পাংখ্রগনি হায়রক্লি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে