নেস্নেল পিপলস পার্টি (এন পি পি) হায়রিবা পোলিটিকেল পার্টি অসীদি মনিপুরদগী শাফোঙখিবতা নত্তনা অৱাং-নোংপোক ইন্দিয়াগী অমত্তা ঙায়রবা নেস্নেল পার্টি অমনি। পোলিটিকেল পার্টি অসীনা মনিপুরদা হৌজিক থোক্লিবা ঈরাং অসী লোইশিলহন্ননবা ঙসিফাওবা লেপ্তনা হোৎনদুনা লাক্লি। পোলিটিকেল পার্টি অসীনা মনিপুর লৈঙাক্তা শৌগৎপা তোকখিবদু মতীক চাদবা চিফ মিনিষ্টর অমনা লুচিংবা, থবক অমত্তা পাঙথোকপা ঙমদ্রবা লৈঙাক অদূদা থাজবা লৈরক্তবদগীনি হায়না এন পি পি গী নেস্নেল প্রসিদেন্ট সু ওইরিবা মেঘালয়াগী চিফ মিনিষ্টর কোনরাদ কে সংমানা ফোঙদোক্লম্লে।
নুমিৎ নিনীগী খোঙচত্তা মনিপুরদা লাক্লম্লগা ঙরাং কোহিমাদা চৎলমদাইদা লুচিংবা অসীনা পাউমীশিংগা উনবদা মহাক্কি ৱাফম অসী ফোঙদোকখিবনি। মহাক্না হায়, লৈঙাক অসিদা মখাতানা শৌগৎখিগদ্রা নত্রগা শৌগৎলরোইদ্রা হায়বসিদি মীয়ামগী মেন্দেট মতুঙ ইন্না ৱারেপ লৌরক্ক নি। লৈঙাক শেম্বা নত্রগা শেমদবা হায়বসিদগী মীয়াম্বু তঙদূ- লৈতাহনবা অমদি মীয়ামগী য়াইফা থৌরাং পায়খৎপা হায়বসিনা হেন্না মরূ ওই হায়খি।
লমদম অসীগী মীয়ামগী অপাম্বা অনীঙবা পূম্নমক এন পি পিনা থবক্তা ওন্থোক্ননবা মতম খূদীঙ শেম-শাদুনা লৈরি হায়নসু মহাক্না ফোঙদোক্লমখি।
You may also like
-
ঐচ এস এল সি ইগজামগী দোক্যুমেন্ট পুথোকপা ঙমদবা ওফিসার ফাইন থীনবা খঙহনখ্রে
-
মনিপুরদা মতম চানা রিন্যু তৌদবা মেদিকেল ফেসিলিটি কয়া হাংদুনা লৈরি
-
মেদজিফিমাদা কাঙলূপ অনী উংখৎনরক্তুনা খূৎ থোক্নখ্রে,য়ূম কয়ামরুম মৈ থাদোকখ্রে
-
কাঙলূপ মশেল মূক্নদুনা লৈবগী মহূৎ ভিক্সিট ভারত মায় পাকহন্নবা হোৎনমিন্নরসি: গোবিন্দাস
-
ঐখোয় লাইরিক নীঙথীনা তমসি কেম্পেইনগী থৌরম পাঙথোকখ্রে