হৌজিক মনিপুরদা লৈরিবা প্রসিদেন্ট রুল অসীগী মনূঙদা, নবেম্বর ১৫ গী মতূঙদা মনিপুরদা মীয়ামগী ওইবা পোপ্যুলর লৈঙাক অমা শেম্লগনি হায়না অন্দ্রো কেন্দ্রগী এম এল এ থৌনাউজম শ্যামকুমারনা ফোঙদোরকখ্রে।
চৎলিবা থা অসীগী চৈচৎ ১৬ তা মহাক্কি অন্দ্রো কেন্দ্র গী মনূঙচন্না লৈরিবা অন্দ্রো লৌপাউ চীঙদা লৈবা কষ্টুর্বা বালিকা বিদ্যালয়াগী ফাউন্দেসন থৌরম য়াওবা লাকখিবা এম এল এনা পাউমীশিংদা ৱাফম অসী ফোঙদোক্লমখিবনি। মথঙ চহীগী ফেব্রুয়ারি ১৩ দা লোইরগদবা, হৌজিক মনিপুরদা থম্লিবা পি আর অসী হন্দক এক্সটেন্দ তৌখিবা অসীনা লোইরগনি, মখাতানা শাংদোকপদি লো না য়াদ্রে। মরম অদুনা মীয়ামগী অনৌবা লৈঙাক অমা লাক্লিবা নভেম্বর ১৫ গী মতূঙদা শোয়দনা শেম্লগনি হায়খি।অনৌবা চিফ মিনিষ্টর কনানা ওইগনি হায়বগী মতাঙদদি চপচানা হায়বা ঙমদে, মদূদি সেন্তরনা লেপ্লক্কদবনি হায়না মহাক্না মখা তানা থম্লকখি।
