ঙরাং অয়ূক অঙনবা মতমদা আফঘানিষ্টানগী নোংপোকথংবা, পাকিষ্টানগী খাইবর পাখটুখ্বা প্রোভিন্সকা তাইনবা লমদমশিংদা অকনবা মওংদা য়ুহার হাবদা মীওই ৯০০হেন্না খূদক্তা শিখ্রে অদূগা মীওই ২৫০০ রোম অশোক- অপন মায়োক্নখ্রে হায়না তোঙান-তোঙানবা মেদিয়াগী রিপোর্ট শিংনা ফোঙদোক্নরক্লি।
নেস্নেল সেন্টর ফোর সীস্মোলোজি (এন সি এস) না থাদোরকপা রিপোর্ট মতূঙ ইন্না, রিচটর স্কেলদা মেগনিচুদ ৬ য়ৌনা হাখিবা য়ুহার অদূনা মরম ওইদুনা নোংপোকথংবা আফঘানিষ্টানগী কুনার দিষ্ট্রিক্টকি খুঙ্গং অহুম প্রলয়গী মতৌগুম খুন্তাক লান্সিবগা মান্নখ্রে। ইপিসেন্তরগী মনাক নকপা মফম কয়াদসু অফটরসোক কয়ামরুম থোক্তুনা অকনবা মওংদা লৈবাক নীকখি হায়না ফোঙদোরক্লি। য়ূম অমসুং তোঙান-তোঙানবা বিল্ডিং কয়া পাক-সন্না নীঙখায়রক্তুনা লৈখিবদগী হৌজিকসু অতেক- অকায় মরক্তা মীওই চা কয়ামরুম মপান্দা থোক্লকপা ঙমদনা লৈরি।অশীবা মীগী মশীং মখাতানা হেঙ্গৎলকখিগনি হায়না পানরি।
শেল-থুমগী ফীভম কা হেন্না ফত্তনা লৈরিবা লৈবাক অসীদা হন্দক্তা অচৌবা ঈশীঙ ঈচাও মায়োক্নখিবদগী মীয়াম্না কা হেন্না অৱাবা খুদোংচাদবশিং মায়োক্নরগা লৈরক্লিবা চৈরক্তা ঙরাং অয়ূক অঙনবা মতমদা অমুক অকনবা মওংদা য়ুহার হাখিবনা মরম ওইদুনা লৈবাক অসীগী মীয়াম য়েংহৈদ্রবা অৱা-চৈথেঙ মায়োক্নরগা লৈরি হায়না লৈবাক অদূগী হেল্থ মিনিষ্ট্রিগী ষ্টেটমেন্ট অমদা ফোঙদোকখি। আফঘানিষ্টানগী অথোরিটিনা হেলিকোপ্তর কয়ামরুম থাজিন্দুনা মী কনবগী থবকশিং চত্থরি হায়রি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে