হৌখিবা মে ২৬ তগী মনিপুরদা অহিঙ-নুংথিল খায়দনা অকনবা মওংদা লেপ্পা লৈতনা নোং তারকপদগী মনিপুরগী তুরেল পূম্নমক্তা খুদোংথীবা য়াবা থাক য়ৌনা ঈশীঙ চাউখৎলক্লে। ইম্ফাল তুরেলগী মফম অমসু কায়রকপদগী হৌজিক মীয়াম্না থিংননবা অকনবা থবক পায়খৎলি হায়রি।
চান্দেল, চুরাচান্দপুর, ফেরজোল, সেনাপটি, ককচীঙ অমসুং থৌবালদা ঈশীঙ কা হেন্না চাউখৎলকপদগী মীয়াম মিপাইনরে। ইম্ফাল সহরগী অকূৎপা মফমশিংদা লৈরিবা মফমশিং, নেস্নেল অমসুং ষ্টেট হায়ৱেগী শরুক অয়াম্বদা ঈশীং থূমজিনখিবদগী মীয়াম চত্থোক-চৎশীন তৌবা য়াদ্রে। তুরেলশিংগী ঈশীঙগী ঈমায় কা হেন্না ৱাংখৎলকপদগী মীয়াম মিপাইনদুনা কূপশেন শেন্নদুনা লৈনরি।
লাক্লিবা জুন অহুমফাওবা মনিপুরদা অখাক- অরাও য়াওনা, অকনবা নুংশিৎকা লোয়ননা নোং হৈথরকখিগনি হায়না ইন্দিয়া মেটিওরোলোজিকেল দিপার্টমেন্টনা খঙহল্লক্লি। লোক্তাক পাৎকি ঈশীঙ ঈমায়সু কা হেন্না ৱাংখৎলকপদগী মীয়াম মিপাইনরে। চৈরকশিদা ঈথায় বেরেজগী গেট হাংদোক্তুনা ঈশীঙ থাদোকপা হৌখিবদগী মৌখত্তুনা লৈরম্বা ঈশীঙ চেন্থোকপা হৌখ্রে। ঈম্ফাল অমসুং সেরৌ তুরেলগী ঈশীঙগী ঈমায় কা হেন্না ৱাংখৎলকপদগী লৈঙাক্না মীয়ামদা মীৎ-নাকোং শিংনা লৈননবা চেকশীল ৱারোল থম্লকখ্রে।ইম্ফাল-জিরী লম্বী পরীঙদা লৈরিবা নূঙ দল্লাল মনাক্তা চীঙ নীঙখায়রকপদগী চত্থোক-চৎশীন তৌবদা খুদোংচাদবা কয়া মায়োক্ন দুনা লৈখ্রে হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে