মমাঙদা মঙারক বিহারগী এম এল এ অমসুং মিনিষ্টর ওইদুনা লাক্লিবা লেজিসলেটর নিটিন নবিন্না বি জে পিগী অনৌবা নেস্নেল প্রসিদেন্ত ওইরে।
ন্যু দিল্লিদা লৈবা পার্টী অসীগী হেদ ক্বার্টরদা পাঙথোক্নবা হোৎনখিবা প্রসিদেন্ট গী মীখলদা নিটিন নবিন মতোমখক্তা নোমিনেসন ফাইল তৌরকখিবনি। মরম অদুনা মহাকপু লম্বা অমত্তা য়াওদনা পার্টিগী নেস্নেল প্রসিদেন্ত ওইনা খল্লে হায়না লাউথোকখি।
হৌখিবা কুমশিং ২০০৬ তগী হৌদুনা বিহার এসেমব্লীগী এম এল এ ওইদুনা লাক্লিবা নিটিন নবিন চিত্রগুপ্ত ভান্সি অসী কয়াষ্ঠা কাঙলূপকি মীওই অমনি। হৌখিবা দিসেম্বরদগী মহাক বি জে পিগী নেস্নেল ৱার্কিং প্রসিদেন্ত গী থৌ পুদুনা লাকখিবা মীশক্নি। মসীগী মমাঙদা মহাক বিহারগী অর্বান দেভলপমেন্ট, হাওসিং অমসুং লো এন্দ জস্তিসকী পোর্টফোলিওশিং পায়দুনা মিনিষ্টর ওইনা থৌ পুরমখিবনি।
প্রাইম মিনিষ্টর নরেন্দ্র মোদি, য়ুনিয়ন হোম মিনিষ্টর আমিট শাহ, দিফেন্স মিনিষ্টর রাজনাথ অমসুং মমাঙগী বি জে পিগী নেস্নেল প্রসিদেন্ত নাদ্দা না নিটিন নবিনগী নোমিনেসন অদূবু মপূঙফানা শৌগৎখি।
