মনিপুরদা ঐখোয়গী হৌগৎলক্লিবা নহারোলশিং অসী নিষাগী ঈপাক্তগী কলহৌরগা তুংগী মতীকচারবা য়ূম্বীরেল ওইহনগে হায়রবদি শান্ন-খোৎনবগী হীরমদা মায় ওন্সীনবা হায়বসি তঙায়ফদবনি হায়না সেকমাই কেন্দ্রগী এম এল এ হৈখাম দিঙ্গোনা ফোঙদোকখ্রে।
কেন্দ্র অসীগী মনুঙ চন্না লৈরিবা লাইরেনকাবী শজিক্তা ওল মার্সিয়েল আর্টস একাদেমি মনিপুরনা শীন্দুনা ঙরাং পাঙথোকখিবা শান্নরোয়শিংদা মনা-মথুম য়েন্থোকপগী থৌরমদা অথোইবা মীথূঙলেন ওইনা শরুক য়ারদুনা ৱা ঙাঙবদা এম এল এনা ৱাফম অসী ফোঙদোকখিবনি।ময়াং লাংজিং জীল্লা পরিষদকি মেম্বর কে সোহোদেব অমসুং লাইরেনকাবী কদাংবন্দ গ্ৰাম পঞ্চায়েটকি চ্যেরপার্সন রোবিন্নচিংবা মীওই কয়াসু শরুক য়াখিবা থৌরম অদুদা এম এল এ অসীনা মখাতানা হায়, স্পোর্টস কি হীরমদা মনিপুর অসী পৱার হাওসনি হায়না শীঙথানরিবনি।
মতীঙ লৈবা তুংগী য়ূম্বীরেল পুথোকপা খুন্নাই অমা ওইহন্ননবা নহারোলশিং অসী শান্ন- খোৎনবগী হীরমদা মায় ওন্সীনবা ঙম্ননবা ঐখোয়না পূক্নিং থৌগৎপগা লোয়ননা লমজীঙবীগদবনি। অফবা শান্নরোয় অমমম ওইগে হায়রবদি থকশী-খাশি, থৌগল্লোল, বেবহার শাগোন্নগদবনি। অফবা শান্নরোয়নি হায়রবসু থকশী-খাশি য়াওদ্রবদি ৱাহন্থোক লৈতে হায়খি।সেকমাই কেন্দ্রদা শান্ন- খোৎনবগী দরকার লৈবা ইনফ্রাষ্ট্রকচরশিং মরাং কায়না থম্ননবা মহাক্না অঙম্বা থাক্তা হোৎনদুনা লাক্লি। মখাতানা হোৎনখিগনি হায়না দিঙ্গোনা মীয়ামদা থাজবা পীখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে