এন জি টিনা সু মোটু কেস রেজিষ্টর তৌদুনা মরী লৈনবশিংদগী পাউখুম পীরক্নবা অকনবা দিরেক্সন পীখ্রে

আরুনাচল প্রদেস কি পাপুম পারি দিষ্ট্রিক্টকি মনূঙচন্না লৈরিবা গঙ্গাদগী তাইপু অমদি গঙ্গাদগী টাগো কেচমেন্ট এরিয়শিংদা লৈরিবা ইকোলোজিকেল্লি সেন্সিটিব ওইরবা মফমশিংদা আইনগী ৱাংমদা লম্বী শেম্বা, লৈবাক লৌথোকপা, ঈশীংগী হৌরকফম ওইরিবা ছোর্স কয়ামরুম মাঙহনবগী থবক লেপ্তনা চত্থরক্লিবা অদূগী মতাঙদা সূ মোটু কেস অমা রেজিষ্টর তৌদুনা থিগৎপা হৌখ্রে। লোকেল মেদিয়া রিপোর্ট অমদা ৱাফম অসী ফোঙদোরকখ্রবা মতূঙদা কেস অদূ নেস্নেল গ্ৰিন ট্রাইব্যুনেল (এন জি টি) না সূ মোটু কেস অমা ওইনা লৌখৎলকতুনা মীৎয়েং চঙলকখিবনি।

লমদম অদোমগী এনভায়রনমেন্ট, ইকোলোজি অমসুং ঈশীঙগী হৌরকফম চীঙগী শরূকশিংগী শক্তম কায়হন্দনা, তুংকোইনা ঙাক্তুনা লৈহঞ্জনিংবা মীয়াম্না এন জি টিগী খোঙথাং অসিবু হরাও তরাম্না ওক্লদুনা থাগৎনরক্লি। কেস অসীগী হিয়ারিং চৎলিবা জুলাই থা অসীগী ২১ দা মতম লেপখ্রে। মতমদুগী মমাঙ চয়োল অমা লৈরিঙৈদা রেস্পোন্দেন্ট শিংনা এফিদেভিট ওইনা মতীকচাবা পাউখুম পীরক্ননবা ট্রাইব্যুনেলনা খঙহনখ্রে হায়রি।

হৌজিক কেস অসী কোলকত্তাদা লৈরিবা ইষ্টর্ন জোনেল বেঞ্চতা শিন্নখিবগা লোয়ননা হীয়ারিং চত্থনবা মতম অসী লেপখিবনি। লোকেল খুঞ্জাশিংগী মায়কৈদগী মরী লৈনবা রেঞ্জ ফোরেষ্ট ওফিসার অমসুং আরুনাচল প্রদেশকি গভর্নরদা ফোর্মেল ওইনা কয়ারক হন্না অইবা চেরোল পীদুনা অসীগুম্বা, এনভাইরনমেন্ট দা শোকহনগদবা থৌওংশিং অসী থিংবিনবা ৱাকৎখ্রবসু অথিংবা য়াওদনা মাঙহনবগী থবক চত্থরকপদি লেপ্পা লৈত্রি হায়না খুঞ্জাশিংগী মায়কৈদগী পেন্দবা ফোঙদোক্নরকখি হায়রি।থৌওং অসিনা ফোরেষ্ট কঞ্জার্বেসন এক্ট, ১৯৮০, এনভাইরনমেন্ট প্রোটেক্সন এক্ট, ১৯৮৬ অমসুং ৱাটর ( প্রিভেনশন এন্দ কন্ট্রোল ওফ পোল্যুসন) এক্ট, ১৯৭৪ দা অকায়বা থোকহনগনি হায়না এন জি টিনা ফোঙদোরক্লি।