ঙরাং অয়ূক পূঙ ১০.৩০ রোম তারকপদা স্পেসিয়েল কম্মান্দো য়ুনিট অমসুং ১৬ শুবা আসাম রাইফলস কি কম্বাইন টিম অমনা ইম্ফাল নোংচুপ পানাগী সেকমাই পুলিশ ষ্টেসনগী মনূঙচন্না লৈবা সেকমাই ওইল পম্প মনাক্তা অচৎ- অওকশিং ফ্রিস্কিং, চেক্কিং তৌদুনা লৈরিঙৈদা য়াম্না চিংননিঙায় ওইবা মওংদা সেকমাইরোমদগী ইম্ফাল মায়কৈরোমদা লাকখিবা মীওই অমা খাম্লগা ভেরিফিকেসন চত্থরুবদা আইন্না থিংখ্রবা প্রিপাক ভি সি-রেদ আর্মীগী এক্তিব কাদর অমা ওইরম্বদগী ফাগৎপা ঙমখ্রে।
মহাকপু মখাতানা ৱাহং-পাউহং চত্থরুবদা প্রিপাক্কি মীওইনি হায়বা খঙবা ঙম্লকখিবনি হায়রি। মহাক্না ফোঙদোরকখিবা মতূঙ ইন্না মীওই অসী মমাঙ চহী ২০২৪ গী মার্চ ১৫ দা পার্টি অসীদা জোইন তৌখিবনি হায়বসিনি। মীওই অসীগী মমীং চীঙাখম শঞ্জয় এলাইজ ইরেম্বা (৪২) অপোকপগী মিংনা সিঐচ দামু কৌই, থৌবাল দিষ্ট্রিক্ট কি খাঙবোক পার্ট-টু অৱাং লৈকায়দগীনি হায়রি। মঙোন্দগী কম্বাইন টিম অদূনা মনি বেগ অমা, আধার কার্দ অমা অমসুং পান কার্দ অমা রিকোভর তৌখি।
মহাক্না মখাতানা ফোঙদোরকপগী মতূঙ ইন্না মহাক কুমশিং ২০২৪ গী মার্চ থাদা প্রিপাকতা য়াওরবা মতূঙদা ম্যান্মারগী সঙ্কাইদা লৈরিবা ট্রেনিং সেন্টরদা নুমিৎ ৪৫ নিগী ওইবা বেসিক মিলিটরি ট্রেনিং ফংলুরে অদূগা হৌজিক্না ম্যান্মারগী লাহোম ভিল্লেজ মনাক্তা লৈবা নাগা কাউন্সিলদা পোষ্টিং তাদুনা লৈবনি হায়রি। মহাক্কি আর্মী নম্বরনা ৫৪১০২৪৩ নি হায়না মশানা ফোঙদোকই হায়রি। মহাক্কি মথক্তা মখাতাবা ইনভেষ্টিগেসন চত্থদুনা আইনগী ওইবা থবক লৌখৎনবা সেকমাই পুলিস ষ্টেসন্দা শিন্নখ্রেসু হায়রি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে