ইম্ফাল ইন্টর্নেস্নেল এয়রপোর্টতা ইন্টর্নেস্নেল ফ্লাইটশিং তাহনবা য়াননবা থবক -থৌরমশিংগী মনূঙচন্না হৌজিক এয়রপোর্ট ওথোরিটি ওফ ইন্দিয়াগী তোঙান তোঙানবা এজেন্সিশিংনা থবক শুরিবা অসী অপীবা মতমগী মনূঙদা লোইশিন্ননবা মনিপুর লৈঙাক্কি এদ্দিস্নেল চিফ সেক্রেটরি (ট্রান্সপোর্ট) অনুরাগ বাজপায়িনা মরী লৈনবা ওফিসিয়েলশিংদা খঙহনখ্রে।
থবক -থৌরমশিং অসীগী মনূঙচন্না হৌজিক এয়রপোর্ট অসিদা ন্যু ইন্টিগ্ৰেটেদ টার্মিনেল বিল্ডিং শাবগী থবক কন্না চত্থরিবনি।হায়রিবা বিল্ডিং অসীসু লেপখিবা মতমগী মনূঙদা লোইশিন্নবা মহাক্না ওফিসিয়েলশিং অদুদা খঙহনখি। হৌজিক লূপা ক্রোর ৫০০ চঙনা টার্মিনেল বিল্ডিং অসী শেমগৎলিবনি।
পি দব্লিয়ু দি,ট্রান্সপোর্টনচিংবা দিপার্টমেন্টশিংগী ওফিসিয়েলশিং,এয়রপোর্ট ওথোরিটি ওফ ইন্দিয়াগী প্রোজেক্ট টিমশিং য়াওবা রিভিয়ু মীটিং অমা এদ্দিস্নেল চিফ সেক্রেটরি অনুরাগ ভাজপায়িনা চ্যের লৌদুনা ঙরাং পাঙথোকখিবদা মহাক্না মসী খঙহনখিবনি।মীফম অদুদা এয়রপোর্ট অসীগী কার্গো টার্মিনেলগী এক্সন প্লান অমসু ফাইনেলাইজ তৌখি।