সোসিয়েল মেদিয়া প্লেটফোর্মশিং থিংজিনখিবগী মায়োক্তা নেপাল লৈঙাক্কি মিনিষ্টর শিং অমসুং আর্মীগী মথক্তা মীয়াম্না অকনবা প্রোটেষ্ট তৌদুনা পারলিয়ামেন্ট বিল্ডিং, সুপ্রিম কোর্ট বিল্ডিং, প্রাইম মিনিষ্টর অমসুং অতৈ মিনিষ্টরশিংগী ময়ূমশিং মৈ থাদুনা খুন্তাক লান্সিরবা ফীভম মায়োক্নরগা লৈরকখিবদু তপ্না-তপ্না লাকশীনবা ঙম্লক্লে। হৌজিক মীয়ামগী ঈহৌ ঈরাংশিং শীঙথানিঙায় ওইনা নেমথরক্লি। অদূম ওইনমক কাথমন্দু, ললিটপুর অমসুং ভক্তপুরনচিংবা মফমশিংদা থম্লকখিবা করফ্যুদি মখাতানা শাংদোকখ্রে।
নেপালি আর্মীগী চিফ জেনরেল আশোক রাজ সিগদেলনা জেন জিগী মীহুৎ কাঙবু কৌদুনা মীফম পাঙথোকখিবগা লোয়ননা লৈঙাক শেম্ননবগী মতাঙদা ৱারী শানখ্রে। জেন জিগী লুচিংবশিংনা লৈবাক অদূগী হান্নগী চিফ জষ্টিস সুসিলা কার্কিবু অনৌবা লৈঙাক্কি প্রাইম মিনিষ্টর ওইহন্ননবগী ৱাফম পুখৎলকখি হায়রি। পাউমীশিংনা হংখিবা ৱা হংগী পাউখুমদা নেপালগী কন্সটিট্যুসন চপ চানা ঙাক্তুনা থবক তৌননবা ফিরেপ পার্টিনা লৌরে হায়না জেন জিগী লুচিংবশিংনা ফোঙদোকখি।
হৌজিক লৈরিবা পারলিয়ামেন্ট অদূ দিজোল্ব তৌরবা মতুঙদা অনৌবা লৈঙাক শেম্ননবগী মতাঙদা থা তরুক লৈরগা মীখল অমা পাঙথোক্কদবনি। মসিগী চৈরক্তা লৈবাক সাসন তৌদবদি য়াদবনিনা ইন্টরিম লৈঙাক অমা শেম্ননবা থৌরাং তৌবনি হায়খি। চৈরকশিদা, নেপালগী জেল অমদা সেক্যুরিটি ফোর্সকা মূক্নবদা জেল অদূগী ইনমেট ৩ শিখ্রে অদুগা ইনমেট ১৫,০০০ দি জেলদগী নান্থোক্তুনা চেনখ্রে। হৌজিক তপ্না- তপ্না মহৌশাগী ফীভমদি হঞ্জিল্লকপা হৌরে হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা