অৱাংথংবা নেপালদা লৈরিবা হীমালয়গী শরুক্তা চীঙকাবা মীওই তরেৎ উন্না ননবদগী শিরে।লোকেল টাইমদা থা অসীগী মঙাগী অয়ূক পূঙ ৯ লোম তারকপা মতমদা চীংকারোয় তরেৎমক খঙহৌদনা উনপাক অমা নীঙখায়রকপদগী নন্সিনখিবনি হায়না বি বি সিগী রিপোর্ট অমদা ফোঙদোরক্লি।
দোলাখা দিষ্ট্রিক্টকি য়েলোং রি মাউন্টেনদা লৈবা বেজ কেম্পতা মীওই তরেৎ অদূ উন্না ননবদগী শিখিবনি।অহানবগী ওইনা হৌজিক মীওই অনীগী হকচাং রেসক্যু তৌবা ঙমখ্রে।লেমহৌরিবা মীওই ৫ গী হকচাংশিং অদূ উন্না ফুট ১৫ রোম লুথবা মফমদা নন্সিন্দুনা লৈরম্বা য়াই হায়না চিংনরি।
রেস্ক্যু ৱার্করশিংনা হকচাং মঙা অদূ ফংননবা থিবগী থবক চত্থরি।নাকল অমরোমদা,মফম অদূগী মনাক্তা অতোপ্পা চীঙকারোয় ৮ সু উন্না ননবদগী শোকপগা লোয়ননা মফম অদুদগী পুথোরকখ্রে।মখোয়শিংদু কেপিটেল সিটি কাথমন্দু ফাওবা রেস্ক্যু ৱার্করশিংনা পুথোরক্লবা মতূঙদা হোস্পিটালদা লায়কন্নদুনা লৈরি হায়রি।