হন্দক্কি চৎলিবা চহী অসীগী ওইনা ওজাগী নুমিৎকা মরী লৈননা পীবা লেমজনিঙায় ওইরবা নেস্নেল টিচর্স এৱার্দ-২০২৫ ফংবদা মনিপুরগী কোয়জম মচাসনা য়াওরে। ইন্দিয়াগী তোঙান-তোঙানবা মফমদা লৈবা স্কুলগী ওজা ৪৫ দা শীঙথানীঙায় ওইরবা এৱার্দ অসি পীদুনা ঈকায়খুম্নখিবনি। ন্যু দিল্লিগী বিগ্যান ভবন্দা পাঙথোকপা ওজাগী থৌরমগা মরী লৈননা এৱার্দ লান্থোকখিবা থৌরমদুদা মনিপুরগী ঘরী অপ্পর প্রাইমারি স্কুলদা হেদ মিষ্ট্রেস ইন-চার্জ ওইনা থৌ পুরিবি কোয়জম মচাসনাসু শরুক য়াখিবগা লোয়ননা লৈবাক অসীগী প্রসিদেন্ট দ্রৌপদি মুর্মুনা লেমজনিঙায় ওইরবা এৱার্দ অদু মহাক্কি মফমদা খূৎশীন্নরকখিবনি।
মীওইবা অমা ওইনা হিংবদা চাননবা চীঞ্জাক, লৈননবা য়ূম অমসুং শেৎনবা ফিরোল তঙায়ফদবগুম খুন্নাই অমা ওইনা হিংবদা তঙায়ফদনা মহৈ- মশিন তম্বা, খঙবা-হৈবগী তঙায়ফদবা লৈ হায়না প্রসিদেন্ট দ্রৌপদি মুর্মুনা, মহাক্কি ওজা ওইরিঙৈগী পুন্সি মতেক অমা নীঙশীংলদুনা মীয়ামদা পাউতাকশিং পীখি। তুংগী অফবা মীরোল অমনা খূৎলীংহৌরগদবা তীঞ্জঙ-কায়জঙদবা খুন্নাই অমা শেমগৎপগী থৌদাংশিং ওজাশিংনা লৌরিবনি হায়বসি কাউথোকপা তৌরোইদবনি হায়না প্রসিদেন্ট দ্রৌপদি মুর্মুনা ফোঙদোকখি।
কোয়জম মচাসনা অসী কৈশাম্পাৎ থীয়াম লৈকায়দগী কাঙবম সাইলেশকি লোয়নবিনি। মহাক মশাগী চহী ৪১ শুরে। কুমশিং ২০২২ দগী স্কুল অসীদা হেদ মিষ্ট্রেস ইন-চার্জ ওইনা থৌ পুরক্লিবনি অদুগা মহাক কুমশিং ২০১২ দগী ওজাগী শিনফমসিদা চঙলকখিবনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে