ইন্দিয়া- ম্যান্মার বোর্দরগী কামজোংগা তাইনরিবা ঙমখৈগী শরুক্তা শম্বল খাবগী থবক- থৌরমশিং য়েংশিনবা চৎখিবা তাঙ্খুল ময়ার ঙালা লোংগী প্রসিদেন্ট অমসুং এসিস্টেন্ট সেক্রেটারি অনি ঙরাং লাইবক থীবা লম্বীগী এক্সিদেন্ট অমদা লৈখিদ্রে হায়রি। মখোয়না তোংলকখিবা গারি অদু সিংচা জঙ্কসন য়ৌরকপদা খঙহৌদনা এক্সিদেন্ট থোকখিবদগী লায়কন্নবা নংদনা মখোয় অনী লৈখিদবনি হায়রি। ঊখ্রূলদগী চাউরাক্না কিলোমিটর ৪৫ রোম লাপ্না লৈরিবা মফম অদূদা থোকখিবা লাইবক থীবা লম্বীগী এক্সিদেন্ট অদুদা গারি অদুগী দ্রাইভর অমসুং গারিদুদা তোংলকখিবা অতৈ মীওই খরসু শাথীনা অশোক- অপন মায়োক্নখি হায়রি।
লৈখিদ্রবা লূপকি প্রসিদেন্ট অদূগী মমীংনা থেম্মসো তাল্লনাও কৌই অদুগা এসিষ্টেন্ট জেনরেল সেক্রেটরি অদুনা মসোথিং কৌই হায়রি। কামজোং দিষ্ট্রিক্ট কি সঙকালোক, রাম্ফোই ভিল্লেজদা বোর্দর ফেন্সিংগী থবক-থৌরমশিং য়েংশিনবগা লোয়ননা ফঙ্কসন অমসু য়াওননবা চৎখিবগী লম্বীদা খুদোংথীবা থৌদোক অদূ মায়োক্নখিবনি।
লুচিংবা অনীনা লৈখিদবদা নাগা ষ্টুদেন্ট ফেদরেসন্না অৱাবা ফোঙদোকখিবগা লোয়ননা লূপ অসীগী য়ুনিট পূম্নমক্তা ফীরাল তঙ্খায় চিংথদুনা থা অসীগী ২৫ ফাওবা অৱাবা ফোঙদোক্কনি হায়রি।
You may also like
-
কাপিল সিবালনা সেন্টরবু অকনবা মওংদা মরাল শীখ্রে
-
মৈতৈশিংনা থাংজিং চীঙগী লাইফমদা লাই খুরুম্বা চঙবদা ঙাকপী শেনবিনবা নিংথৌ সনাজাউবনা সেন্টরগী মীৎয়েং চিংশিনখ্রে
-
অসাম রাইফলসনা মনিপু্রদা মখাতাতানা মেদিকেল কেম্প পাঙথোকখ্রে
-
রেদিও-টেগ তৌখিবা চ্যুলুৱান- ২ সাইবেরিয়া তম্লক্লি
-
ৱেষ্ট বেঙ্গলগী বোর্দর দিষ্ট্রিক্ট মরি দিষ্টর্ব এরিয়ানি হায়না লাউথোক্ননবা বি জে পিগী পুরুলিয়া এম পি না