সেকমাই কেন্দ্রগী এম এল এ হৈখাম দিঙ্গো সিংহনা ঙরাং কেন্দ্র অসীগী অহানবা এষ্ট্রো টরফ গ্ৰাউন্দ অমা খূরখূলদা শঙ্গাদুনা কেন্দ্রগী মীয়ামদা খূৎশীন্নখ্রে। কৌনু এষ্ট্রো টরফ গ্ৰাউন্দ হায়না মিংথোনবা এষ্ট্রো টরফ অদূনা সেকমাই কেন্দ্রগী হৌরক্লিবা ফুটবোল শান্নরোয়শিংদা অনৌবা আসাগী ঈনোৎ অমা পীবা ঙম্লগনি লোয়ননা মীথোয়-মীহেল্লবা শান্নরোয় মশীঙ য়াম্না পুথোক্তুনা, সেকমাই কেন্দ্রখক্তগী নত্তনা মনিপুর অমসুং ইন্দিয়াগী মিংচৎ পুরকপা ঙম্বা শান্নরোয় কয়া পুথোকপা ঙম্লগনি হায়না এম এল এ দিঙ্গোনা নুঙাইবা অমসুং অপেনবা ফোঙদোকখি।
মহাক্কি কেন্দ্রদগী মমাঙদসু মনিপুরগী মিংচৎ পুরকখ্রবা শান্নরোয় কয়ামরুম পুথোকখ্রবনি। এষ্ট্রো টরফ অসী শেমগৎলবনিনা শান্নরোয় মশীং য়াম্না, মালেম থাক্কি ষ্টেন্দর্দ তা পুথোকপা ঙম্লক্লগনি হায়খি। মদুগী মমাঙদা এম এল এ না লম্লোঙ্গৈদা হৈরাং খোঙনূঙ লাইরেম্বী শঙলেন অয়ূক্তা শঙ্গাখি। ঐখোয় মশেলগী মরক্তা লিংজেল মান্নবা য়াম্না ৱাৎপা, পূন্সিন্নবগী হৈনবী লৈতবদগী মাঙলোমদা খূমাঙ য়াঙনা চঙশীল্লকপা ঙমদ্রিবনি হায়বসি মীয়াম্না হেন্না খঙনরবনি। মসী য়াম্না খন্থনিঙায়নি অমসুং লাইবক থীবা অমনি হায়না এম এল এ না মখাতানা ফোঙদোকখি।
লম্বী থোংগী মতাংদা দিঙ্গোনা হায়, লম্লোঙ্গৈদগী হৈবোংপোকপি ফাওবগী লম্বী শেমগৎনবা প্রোগ্রামদা য়াওদুনা লৈরবনি। ষ্টেটকি শেল-থুমগী ফীভম খরদং ফগৎলকপগা লম্বী অসী য়াওনা কেন্দ্রগী অতৈ লম্বীশিংসু য়াম্না অথূবা মতমদা শেমগৎলগনি হায়খি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে