মনিপুরদা প্রসিদেন্ট রুল মতৌ করম্না, করিদগী লাকহনখিবনো হায়বসি ঐখোয়গী মীয়াম্না ময়েক শেংনা খঙজীনবিগদবনি। য়ামদ্রবদা প্যোপ্যুলর মিনিষ্ট্রি অমা, ফরবসু ফত্রবসু, মনিপুরদা লৈজরিঙৈ মতমদুদদি ঐখোয়গী মীয়াম্না চৎনিংবা মফমদা, য়ৌনিংবা লৈঙাক্কি লোয়শঙশিংদা য়ৌশিনবা, চঙশীনবদা অপন- অরাক অমত্তা লৈরমদে।
ঙসীদি প্রসিদেন্ট রুল থমজিনখ্রবা মতূঙসিদা মীয়াম, মীচমশিংনা চৎনীংবা মফমদা, য়ৌনিংবা লৈঙাক্কি লোয়শঙশিংদা য়ৌশিল্লুবা, চঙশীল্লুবা য়াদবনা য়াম্না অৱাবা, খুদোংচাদবা ময়াম অমা মায়োক্নরগা লৈরি। মীচম মীয়ামদি লায়রদনা মীয়ামগী মীহুৎ ওইনা লৈরিবা এম এল এ, এম পিফাওবা মনীংতম্না থবক তৌবা য়াহন্দবগী থাক্তা লৈরক্লে, করিশু ওইনা লৌরক্তবগী মওং অমদা লাক্লে হায়না মনিপুরগী হান্নগী চিফ মিনিষ্টর নোংথোম্বম বিরেন্না মীয়ামদা ফোঙদোকখ্রে।
প্রজা মীয়াম্নসু মীয়ামগী মীহুৎ ওইরিবা এম এল এ শিংগী অফবা অমসুং ফত্তবশিং নৈনদুনা চৈরকপবু ওইরো, নত্রগা থাগৎপিরকপবু ওইরবসু ময়েক শেংনা মমীং মথা পল্লগা ফোঙদোকপিয়ু। মী অমনা অশোয়বা অমা তৌরম্লে হায়রগা মশক মমীং ফোঙদোক্তনা ঈয়ান য়ান্সিন্নবগী, ঈতৈ তৈশীন্নবগী মওংদা চৈবিরক্ক নু হায়খি।থাগৎপিরবসু মীশক অমরা, অনীরা, মঙারা, তরারা- মখোয়দূ Prank শেংনা তোম্বনি, চাউবনি হায়বদু শেংনা শেংনা পনবিয়ু হায়না বিরেন্না ফোঙদোকখি।